पश्चिमाञ्चलका दुईजना पत्रकारलाई पुरस्कृत गरिने


प्रकाशित मिति :2016-08-10 17:01:31

महिला खबर

पोखरा । संचारिका समूह पश्चिमाञ्चलले प्रदान गर्ने संचारिका महिला पत्रकारिता पुरस्कार २०७३ पश्चिमाञ्चलका दुईजना पत्रकारलाई प्रदान गरिने भएको छ । संस्थागत विकास र पत्रकारितामा निरन्तर क्रियाशिल भएको भन्दै  बसन्ती बास्ताेला र स्याङ्जाका पत्रकार भवानी अधिकारीलाई पुरस्कृत गरिने भएको हो

बुधबार अग्रज पत्रकार बद्री विनोद प्रतिकको संयोजकत्वमा बसेको ५ सदस्यीय प्रतिभा छनौट समितिले संस्थागत विकास र पत्रकारितामा निरन्तर क्रियाशिलताको आधारमा बसन्ती बास्ताेलालाई र स्याङ्जाका पत्रकार भवानी अधिकारीलाई दिने निर्णय गरेको हो ।

बसन्ति वास्ताेला

बसन्ती बास्ताेला

पोखरा घारीपाटनस्थित पोखरा किण्डर गार्टेन (पिकेजी)का संस्थापक प्रिन्सिपल शिक्षासेवी कमला प्रधानले स्कुलको रजत जयन्तिको अवसर पारेर पुरस्कारका लागि रु १ लाख रुपैयाँको अक्षयकोष स्थापना गरेकी थिइन् ।

उनले समाज रुपान्तरणमा निरन्तर कलम चलाइरहेका पत्रकार महिलाको सम्मानका लागि स्थापित अक्षयकोषको रकम थप १ लाख बढाएर २ लाखको बनाउने भएकी छन् । सोही कोषको व्याज मार्फत उक्त पुरस्कार वितरण गरिने सञ्चारिका समूह पश्चिमाञ्चलले जनाएको छ । प्रत्येक दुई वर्षमा प्रदान गरिने यस पुरस्कारको राशि २० हजार १ सय ११ रुपैयाँ र सम्मानपत्र रहेको छ ।

भवानी अधिकारी

भवानी अधिकारी

१२ वर्षदेखि पत्रकारितामा क्रियाशिल बास्ताेला कान्तिपुर दैनिक हुँदै हाल सञ्चारिका समूहद्वारा उत्पादित टेलिभिजन कार्यक्रम समकोण र महिला खबरको फिचर संयोजक छन् ।

त्यसैगरी संचाारिका समूह पश्चिमाञ्चलले वितरण गर्ने अर्को गुरुङ ब्यूटी एकेडेमी जर्नालिज्म अर्वाड २०७३ अन्नपूर्ण पोष्ट स्याङ्जाका संवाददाता भवानी अधिकारीलाई प्रदान गरिने भएको छ । १७ वर्षदेखि पत्रकारितामा क्रियाशिल अधिकारी सामुदायिक रेडियो स्याङ्जाको समाचार,सम्पादन प्रमुख समेत हुन् ।

सौन्दर्यविद् चिनु गुरुङले पत्रकार महिलाका लागि स्थापना गरेको यो पुरस्कार प्रत्येक वर्ष पत्रकारितामा क्रियाशिल पश्चिमाञ्चलका एकजना महिलालाई प्रदान गरिन्छ । १ लाख ११ हजार १ सय ११ रुपैयाँ अक्षयकोष रहेको यस पुरस्कारको राशी दश हजार १ सय ११ रुपैयाँ र सम्मान पत्र रहेको छ ।

तीजको अवसर पारेर प्रदान गरिने यी दुवै पुरस्कार यस वर्ष भदौ १४ गते एक समारोहका बिच वितरण गरिने संचारिका समूह पश्चिमाञ्चलकी अध्यक्ष जमुना वर्षा शर्माले जानकारी दिइन् ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: