बाँधेर राखिएकी गर्भवतीलाई उद्धार गरी हेटौँडा ल्याईयाे


प्रकाशित मिति :2016-08-11 11:42:12

महिला खबर
pregnantउदयपुर। घरमै ६ महिनादेखि बाँधेर राखिएकी गर्भवतीलाई उद्धार गरी विहीबार हेटौँडाको मानव आश्रम ल्याईएको छ। उनलाई बुधबार स्थानीय अधिकारकर्मीले उद्धार गरेका थिए।

मानसिक सन्तुलन गुमाएका कारण परिवारले नै उनलाई बाँधेर राखेका थिए । पाँच महिनाकी गर्भवती सृजना कार्की खड्काको गैरसरकारी संस्था महासंघ उदयपुरले उद्धार गरी बुधबार उपचारार्थ जिल्ला अस्पताल उदयपुरमा भर्ना गरेको थियो। परिवारको सहमति मै उनको उद्धार गरिएको अधिकारकर्मीहरूले बताएका छन् । म‌ंगलवार सञ्चार माध्यममा समाचार अाएपछि बुधवारै उनको उद्धार गरिएको थियाे ।

उनको सामान्य उपचारपछि हेटौँडा ल्याइएको हो। प्रहरी निरिक्षक उमा गुरुङको नेतृत्वमा पत्रकार र अधिकारकर्मीसहितको टाेलीले उनलाई हेटाै‌ंडा ल्याइपुर्याएको हो । उनी गर्भवती भएका कारण तुरुन्तै उपचार गरेर अाैषधि दिनुभन्दा अाराम गराई सुत्केरी भएपछि राेगको उपचार थालिने बताइएकाे छ ।

त्रियुगा नगरपालिका भातिखर्कस्थित आफ्नै घर पछाडि बाँसको टाटीमा बाँधेर राखिएकी उनलाई महासंघकी अध्यक्ष महेश्वरी राईसहितको अधिकारकर्मीको टोली पुगेर त्रियुगा नगर प्रहरीको सहयोगमा उद्धार गरी अस्पताल भर्ना गरिएको हो।

२२ वर्षीया सृजनालाई जिल्ला अस्पतालको आकस्मिक कक्षमा राखेर उपचार गरिएको थियो । सृजनालाई उनका श्रीमानले छोडेर हिँडेपछि बृद्ध सासु ससुराले बुहारी घर छोडेर हिँड्ने गरेपछि बाँधेर राख्न बाध्य भएको बताएका थिए।

थप समाचार

गर्भवती महिला छ महिनादेखि दाम्लोमा

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: