‘माधवी’ हेरेर फर्केपछि


प्रकाशित मिति :2016-08-11 16:45:29

जया लुईंटेल

Jaya

शिल्पीमा ‘माधवी’ हेरेर फर्केपछि,
ह्रदय रोइरहेछ ।

“गुरु”लाई रिझाउन
अश्वमेधी घोडाको खोजीमा हिंडेको गालबलाई नजिकैबाट भेट्दा,
ऐंठन भइरहेछ ।

“दानवीर” ययातीको “यश” ले मातिएको अहं देख्दा
उसको कायरतामा
अट्टाहस हाँसो छुटिरहेछ ।

विश्वका मित्र “विश्वामित्र”,
आठ सय अश्वमेधी घोडा तिमीलाई केका लागि चाहिएको रे ?
दासप्रथा अन्त्यका लागि हवन गर्न हैन ?

हरे !!!! माधवीलाई यौनदासी बनाएर दासप्रथा उन्मूलनका लागि हवन गर्ने ?
तिम्रो ढोंग देखेर त ख्वै, मलाई तिमिजस्ता धेरैप्रति
घिन जागिरहेछ ।

हर्यश्च, दिवोदास र उसिनराज,
तिमीहरुको निरंकुस र व्यभिचारी चरित्रको त म के कुरा गरौं,
क्रूरता जागिरहेछ ।

फेरि पनि गालब,
तिम्रो कथित “ गुभक्तिमाथि” मलाई
उदेक लागिरहेछ ।

तिमीले जब भन्यौ नि “माधवी मेरो रिन चुक्ता गर्ने माध्यम मात्रै हो ”,
तिम्रो स्वार्थप्रति मलाई
दिक्दारी लागिरहेछ ।

गालब , जब तिमी माधवीको पाउमा घुंघरु पहिर्याउँदै थियौ,
जब तिमी भोजनगरबाट निस्केर माधवीसंग एकाकार हुँदै थियौ,
अहिले पनि सम्झँदा मेरो तन मन
रोमाञ्चित भइरहेछ ।

तर फेरि,
तिम्रो दम्भ, अहंकार र स्वार्थ देख्दा
मेरो मन कुँड्डीरहेछ ।

माधवी ,
तिमीलाई जब तिम्रा “यशवान” “बाबु” ले दान गरिदिए,
तिम्रो अनुहारमा देखिएको त्यो डर थियो नि,
मेरो मन अहिले पनि काँपिरहेछ ।

सहस्र आँशु वगाउँदै, शरीर कमाउँदै वशुमनलाई तिमीले चुमेको क्षण सम्झँदा
अहिले पनि मातृत्व मेरो शरिरभरि
सल्बलाइ रहेछ ।

अन्तिममा,
जब तिमीले आफ्नो “चिर कौमार्य” पुर्नप्राप्तिका लागि,
अनुष्ठान नगर्ने निर्णय, दृढताका साथ सुनाएको देख्दा,
मेरो शिर गर्वले उच्च भैरहेछ ।

एक्लै पनि बाँच्न सक्छु भन्ने आत्मनिर्णय गरेर,
अनुहारमा कान्ति फैलाउँदै जब तिमी स्टेजबाट बाहिरियौ, त्यो देख्दा
नारी हुनुको गर्वले र त्यो आत्मसम्मानले उर्जा दिइरहेछ ।

२७ श्रावण, २०७३ काठमाडाैं

 

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: