पोखरा उद्योग वाणिज्य संघको अध्यक्षमा पहिलो पटक महिलाको उम्मेदवारी


प्रकाशित मिति :2016-08-11 17:19:48

महिला खबर
ml

पोखरा । पोखरा उद्योग बाणिज्य संघकी पूर्व उपमहासचिव एवं वर्तमान कार्य समिति सदस्य हिरा भट्टराइले आसन्न ३१ औं अधिवेशनकालागि अध्यक्ष पदमा उम्मेदवारीमा घोषणा गर्नुभएको छ । विहीबार पत्रकार सम्मेलन गरी भट्टराईले अध्यक्ष पदका  लागि आफ्नो उम्मेदवारी औपचारिक रुपमा घोषणा गर्नुभएको हो ।

भट्टराइले आर्थिक समृद्धिका लागि सबल र सक्षम नेतृत्व आजको आवश्यकता रहेको भन्दै त्यसका लागि आफ्नो नेतृत्व क्षमता रहेको भन्दै अध्यक्ष पदमा दावेदारी प्रस्तुत  गरेको बताउनुभयो । ‘छ दशकसम्म पोखरा उद्योग बाणिज्य संघ पुरुषको नेतृत्वमा चल्यो अब समावेशी तरिकाले संघलाई नयाँ गति प्रदान गर्न महिलाको नेतृत्व आवश्यकता छ’ उहाँले भन्नुभयो ।

संघमा पाँच कार्यकाल महिला उद्यमी संयोजक, पहिलो महिला उप महासचिव समेत रहनु भएकी भट्टराइले संघको १४ वर्षे अनुभवले अब नयाँ नीति र कार्यक्रमका साथ समावेशी र साझा तरीकाबाट संघलाई अघि बढाउन आफू लागि पर्ने बताउनुभयो । उहाँले लैंगिक रुपमा महिला भएपनि आफ्नो उम्मेदवारी साझा भएको उहाँको भनाइ थियो ।

संघमा आवद्ध भएको १४ वर्ष पुरा भएको भन्दै यो अनुभवबाट आफू संघको नेतृत्व लिने क्षमता आफूसँग भएको भटट्राइले दावी गर्नुभयो   । पोखराको सर्वोपरि विकासका लागि  उद्योग विस्तार अपरिहार्य रहेको भन्दै आर्थिक समृद्धिका लागि स्वस्थ व्यवसायमा आफूले जोड दिने उहाँले बताउनुभयो ।  देशका प्रमुख पद महिलाले हाँकिरहेको वर्तमान परिवेशमा पोखरा उद्योग बाणिज्य संघको इतिहासमा पनि अब महिलाको नेतृत्व आवश्यक भएको भटटराइको भनाइ छ । आफ्नो नेतृत्वले आर्थिक समृद्धि र रोजगारको वातावरणमा विशेष जोड दिँदै व्यवसायमा महिलाको पहिचानलाई स्थापित गराउन लागि पर्ने बताउनुभयो ।

 पोखरा उद्योग बाणिज्य संघको ३१ औं महाअधिवेशन भदौ ३१ र असोज १ गते हुँदैछ । भट्राइ बाहेक अन्य पाँच पुरुष प्रतिष्पर्धी अध्यक्षको आकांक्षी देखिएको छन् । उनीहरूको औपचारिक घोषणा भने हुन बाँकी छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: