ह्वील चियरमा अधुरा सपना


प्रकाशित मिति :2016-08-25 14:46:12

सर्मिला बुढाथोकी

दोलखा । सानो कोठा, सँगै भान्सा, छेउमा ह्वील चियर र होचा–होचा दुई वटा खाट । मोबाईलमा रेडियो घन्काएर ढल्कि रहेकी थिईन् तेजमाया न्यौपाने । दोलखा सदरमुकाम चरिकोटकोे एक घरमा रहेकी तेजमायाले कुनै बेला किराना पसल खोल्ने र दुई चार ओटा बाख्रा पालेर जीवन धान्छु भन्ने सपना बुनेकी थिईन । दोलखा शहरे गाविस गोगनटार स्थाई घर भएकी तेजमाया न्यौपाने यति बेला ओल्टे कोल्टे फर्किन समेत कसैको साहराको पर्खाइमा हुन्छिन्, चरिकोटको त्यहि सानो कोठामा ।

२०७२ साल  माघ २७ गतेको बिहानी उनका लागि निर्दयी बनेर आयो, अनि जीवन रहुञ्जेललाई पीडाको भारी थमाईदिएर गयो ।  विहानी पख घाँस काट्न घर नजिकैको रुखमा चढेकी न्यौपाने  टेकेको रुखको हाँगा भाँच्चिएर भुँइमा बजारिइन् र सबै खुशी भुई भरी छरिए टिप्नै नमिल्ने गरी ।

disable

पन्ध्र वर्ष कै उमेरमा  मागी विवाह गरेकी न्यौपानेको साहारा यति बेला एउटी छोरीमात्र छन् । ‘छोरीको विवाहपछि मेरो अवस्था के होला ?’ न्यौपानेले गह भरी आँसु टिल्पल्याउँदै भनिन् –‘काल पर्खिन गार्‍हो पर्ने भो ।’

विवाह गरेको चार वर्षसम्म श्रीमानसँग राम्रै सम्बन्ध थियो तेजमायाको । चार वर्ष पछि श्रीमानले अर्को घरजम गरे, मैले धेरै पटक घर मै टिक्ने प्रयास गरें, तर सकिनँ तेजमाया भन्छिन्– त्यसपछि माईतिको आडमा सानो छोरी पालेर बसें, हात गोडा चल्थ्यो र बाँच्न सक्छु भन्ने आँट आउँथ्यो अव त आश सबै मरेर गयो ।

उपचारका लागि चार लाख रुपैयाँ खर्च लागेको छ उनको । त्यतिबेला दाजुले खर्च हालिदिनु भयो अहिले  कहाँबाट ल्याएर तिर्छैस् भन्नुहुन्छ, मेरो केही उपाय नै छैन – तेजमायाले भनिन् । ऋण कसरी तिर्ने भन्ने चिन्ताले सताउँदा दिन पनि रात जस्तै लाग्छ  तेजमायाले गुनासो पोखिन् ।  छोरीलाई कमाईको लागि टाढा पठाउन पनि समस्या छ । खान खुवाउन, दिशा पिसाब गराउनकै लागि छोरीलाई आफ्नो नजिक राख्नु  पर्नेे बाध्यता भएको न्यौपानेले सुनाईन् ।

आफ्नो अवस्थाले चिन्ता लागे पनि छोरीले गरेको सकारात्मक व्यवहारले बाँच्न प्रेरित गरिरहेको छ तेजमायालाई । भनिन् – छोरीले जति खर्च लागे पनि म तपाईलाई राम्रोसँग पाल्छु भनेकी छे,  छोरी चण्डिका अहिले सिएमए कोर्ष सकेर चरिकोटमा रहेको एक नीजि अस्पतालमा कार्यरत छन् । आमाको पालनपोषण आफ्नो दायित्व हो चण्डिका भन्छिन् –‘भारी बोकेर भएनी आमालाई राम्रोसँग पाल्छु ।’

दोलखा जिल्लामामात्र अपाङ्गता भएका ३ हजार ३९ जना रहेका छन् । जसमा महिला ८ सय ४४ र पुरुष १२ सय ८० जना रहेको महिला तथा बालबालिका कार्यालय दोलखाका प्रमुख लक्ष्मी ढकालले बताउनुभयो । अपाङ्गता भएकालाई चार वर्गमा विभाजन गरिएको र त्यसमा क र ख वर्गमा पर्ने अपाङ्गता भएकाहरूलाई सरकारले मासिक भत्ता दिँदै आएको छ । कार्यालयका अनुसार क वर्गमा पर्ने अपाङ्गता भएकालाई यो आर्थिक वर्षबाट मासिक २ हजार र ख वर्गमा पर्नेलाई मासिक ६ सय रुपैयाँ भत्ता सरकारले उपलब्ध गराउँदै आएको छ ।

महिला तथा बालबालिका कार्यालयका अनुसार जिल्लामा क वर्गमा पर्ने फरक क्षमता भएका महिला ९३ जना र पुरुष १ सय ३२ जना तथा ख वर्गमा पर्ने महिला २ सय २६ जना तथा पुरुष २ सय ५६ जना रहेका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: