विश्व स्काउट महिलाको क्षेत्रीय सम्मेलन काठमाडौंमा


२६ देशका २५० महिला स्काउट सहभागी

प्रकाशित मिति :2016-08-29 16:41:46

महिला खबर

scout

काठमाडौं । विश्व स्काउट महिला सङ्गठनको  एसिया प्रशान्त क्षेत्रको क्षेत्रीय सम्मेलन आजदेखि काठमाडौंमा सुरु भएको छ । नेपाल स्काउटको आयोजनामा  भएको उक्त सम्मेलनको उद्घाटन राष्ट्रपति विद्यादेवी भण्डारीले  गर्नुभयो । पाँच दिनसम्म चल्ने उक्त क्षेत्रीय सम्मेलनमा  एसिया प्रशान्त क्षेत्रका २६ देशका २५० स्काउट प्रतिनिधि  सहभागी छन्  ।

उद्घाटन कार्यक्रममा बोल्दै राष्ट्रपति भण्डारीले स्काउटिङमार्फत युवापुस्तालाई व्यवहारिक सीप र ज्ञान दिन सरकारको तर्फबाट विशेष भूमिका निर्वाह हुनुपर्ने बताउनुभयो । उहाँले स्काउटिङ क्रियाकलापमा महिलाको सहभागिता र उनीहरूको क्षमता अभिवृद्धिमा स्काउटिङ अभियानको सफलताको शुभकामना दिनुभयो ।

नेपालमा स्काउटिङ सुरु भएको छ दशकमा बालबालिका तथा किशोर–किशोरीको  विकासका साथै राष्ट्रप्रति कर्तव्यबोध गर्ने नागरिक तयार पार्न समेत महत्वपूर्ण भुमिका खेलेको भन्दै प्रशंसा गर्नुभएको थियो ।

प्राकृतिक विपत्ति र भूकम्पका बेला नेपाल तथा विश्व स्काउटले पुर्याएको सहयोगप्रति उहाँले धन्यवाद दिँदै पुनःनिर्माण अभियानमा पनि स्काउटको परोपकारी भूमिकालाई व्यापक बनाउन सरकारका सम्बन्धित निकायबाट थप सहयोग र समन्वय हुनुपर्ने औँल्याउनुभयो ।

नेपाल स्काउटका राष्ट्रिय सचिव लोकबहादुर भण्डारीले  सम्मेलनमा महिला नेतृत्व तथा क्षमता विकास, विपद् व्यवस्थापनका साथै महिला सशक्तीकरणसम्बन्धी कार्यशाला सञ्चालन हुने जानकारी दिनुभयो ।  ‘विश्वलाई नै जोड्नु, उत्पादन र प्रभाव पार्नु’ भन्ने मूल नाराका साथ आयोजित सम्मेलनको प्रतीक चिह्न ‘हाम्रो डाँफे’ राखिएको छ ।

सम्मेलनले स्काउटको अध्यक्षसहित चार सदस्यीय एसिया प्रशान्त क्षेत्रीय कार्यसमितिको पनि निर्वाचन गर्ने सचिव भण्डारीले जानकारी गराउनुभयो । यस्तो सम्मेलन हरेक तीन वर्षमा आयोजना हुने गरेको छ ।

 

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: