नागरिकताको खोस्टोले दियो अपार खुशी


प्रकाशित मिति :2016-08-30 14:04:44

यमुना खनाल

citizenship
सिरहा । सिरहाको भगवतीपुर गाबिस ढेकाहाकी  आईसा खातुन  संसार जिते जस्तै भएकी छन् ।  सँधै निन्याउरो मुख लगाएर टोलाई रहने छोरीको मुखमा यति धेरै खुशी देखेपछि उनका बाबु मो. सदरुल मियाँको पनि खुशीको सीमा छैन् । आईसाको खुशी ल्याउने अरु केही नभएर  विवाह गरेको अठार वर्षपछि पाएको नागरिकता हो ।

उनका श्रीमान मो. मुरुल्लाले अर्की विवाह गरेका कारण  कुटपीट गर्ने ,खान नदिने  मानसिक तथा शारीरिक यातना दिन्छन् । उनले विवाह दर्ता र नागरिकता पनि बनाई दिएनन्  ।

अंश दिनु पर्ने डरले विवाह दर्ता र नागरिकता नबनाई दिएपछि आईसाले ईलाका प्रशासन कार्यालयमा रुँदै आफूले भोगेको हिंसा सुनाईन् ।

आईसाका श्रीमान् अहिले वैदेसिक रोजगारका लागि कतारमा छन् । विवाह दर्ता नभएकै कारण खातुन नागरिकताबाट बन्चित हुन परेको थियो । खातुन आफ्ना  बुबाको साथमा आफू हिंसा पीडित भएको श्रीमान् र सासु ससुराले बारम्बार हिंसा गर्ने गरेको , विवाह दर्ता र नागरिकता नबनाई दिएको गुनासो लिएर  ईलाका प्रशासन कार्यालय लहान पुगेकी थिईन् । विवाह दर्ता नभएपनि गाउँका पाँच जनाको मुचुल्काबाट नाता प्रमाणित गरी ल्याएको प्रमाणलाई आधार मानेर प्रशासनले उनलाई  नागरिकता दिएको ईलाका प्रशासन कार्यालय लहानका प्रमुख तुलसी राम पौडेलले  बताउनुभयो  ।

कानुनी प्रावधान जे भएपनि आफूले सहजीकरण गर्दा हिंसा पीडित महिलालाई राहत पुग्छ भने कहिले काहीँ विवेकले पनि काम गर्नुपर्छ भनेर काम गरेको पौडेलले बताउनुभयो ।

सत्य तथ्य छानबीन गरी नागरिकता पाउनुपर्ने व्यक्तिलाई कानुनी अड्चनमात्र देखाउनु भन्दा विवेक प्रयोग गरी सहजीकरण गरे वास्तविक पीडितले न्याय पाउने उहाँको भनाइ छ ।

पौडेलले भन्नुभयो, ‘श्रीमानले दोस्रो विवाह गरेको छ, परिवारले यातना दिईरहेका छन् ,हिंसाबाट आजित भएर प्रशासनको शरणमा आएकी महिलालाई कानुनी अड्चन देखाएर विवाह दर्ता र नागरिकता नदिँदा थप हिंसा हुने हुँदा कानुनमात्र नहेरी  विवेकले काम गर्नु अत्यन्त जरुरी छ ।’

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: