कहिलेसम्म पर्खने ?


प्रकाशित मिति :2016-08-31 12:02:19

नुनुता राई

b2
काठमाडौं । ‘म त चार वर्षको थिएँ नि ! राती एकबजे बाबालाई लगेको रे, आमाले भन्नुहुन्छ ।’ बर्दियाकी शान्ती चौधरीलाई बाबाको अनुहार पनि राम्रो याद छैन । उनका बुवा रामदिन चौधरीलाई २०५८ सालमा माओवादीको आरोपमा राज्यद्वारा बेपत्ता पारिएको बताउँछिन् ।

पन्ध्र वर्षीया शान्ती बेपत्ता परिवारको पीडालाई मण्डला नाटक घरमा नाटकीय स्वरुप दिईएको प्रस्तुती हेर्न र बुवाको खोजी गर्न काठमाडौं आएकी हुन् । बुवा बेपत्ता हुँदा  बर्दियाकै ऐश्वर्या २ वर्षकी थिईन् । उनी पनि आफ्ना बुवा कहाँ छन् भनेर खोज्न आएकी हुन् । यो भन्दा अघि उनकी आमा खोज्न हिँड्थिन् । कसैले उनको बुवा कहाँ छन ? जवाफ दिएनन् । अब ऐश्वर्य हिँड्दै छिन्  आफ्ना बुवाको खोजी गर्न ।

कहिलेसम्म पर्खने ? बेपत्ता पारिएका व्यक्तिको वरिवारले पर्खेको बर्षको पात्रो

कहिलेसम्म पर्खने ? बेपत्ता पारिएका व्यक्तिको वरिवारले पर्खेको बर्षको पात्रो

आफन्त र परिवारलाई विना कसुर वेपत्त्ता पारिँदा उनीहरू चरम पीडा भोग्न बाध्य छन् । सरकार फेरिरहन्छ । तर, उनीहरूको प्रश्न जहाँ को त्यहीँ । कसले उत्तर दिने हो ? उनीहरू अलमलमा छन् । किन वेपत्ता पारिए ? कसैलाई थाह छैन । कसैको सिरानीमा रातो किताव भेटेर लगिए, कोही एक छिन कुरा गर्नुछ भनेर लगिए । बिभिन्न वहानामा लगिएका उनीहरू फर्केर आएनन् । परिवारले उनी गएको बाटोमा आँखा ओछ्याउन अझै छोडेको छैन ।

b1

यसरी  लगिएकाहरू जिउँदा छन वा मरिसके परिवारलाई केही पत्तो छैन ।  परिवार आशैआशमा बाँचिरहेका छन् । उनीहरूको घडीमा समय उल्टो चलिरहेको छ । यसै विषयलाई लिएर तयार पारिएको नाटक ‘आधा सत्य’ मण्डला नाटक घरमा मञ्चन भयो ।

राज्य र माओवादी पक्षबाट विभिन्न आरोपमा बेपत्ता बनाईएकाको परिवारको पीडा र आशालाई समेटेर अन्तर्राष्ट्रिय बेपत्ता दिवसको अवसरमा कलाकारले ‘आधा सत्य’ नामक नाटक मञ्चन गरेका हुन् । नाटकलाई राजन खतिवडा र सिजन दाहालले लेखेका हुन् भने निर्देशन राजन खतिवडाले गरेका हुन् ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: