संचारिका महिला पत्रकारिता पुरस्कारबाट दुईजना पत्रकार पुरस्कृत


प्रकाशित मिति :2016-09-01 17:09:31

महिला खबर

basanti

पोखरा । संचारिका समूह पश्चिमाञ्चलले संचारिका महिला पत्रकारिता पुरस्कार २०७३ बाट पश्चिमाञ्चलका दुईजना पत्रकारलाई पुरस्कृत गरेको छ । संस्थागत विकास र पत्रकारितामा निरन्तर क्रियाशिल भएको भन्दै  बसन्ती बास्तोला र स्याङ्जाका पत्रकार भवानी अधिकारीलाई उक्त पुरस्कारबाट पुरस्कृत गरेको हो ।

बिहीवार पोखरामा आयोजित एक समारोहमा सञ्चारिका समूहकी केन्द्रीय अध्यक्ष निर्मला शर्माले  पत्रकारद्वय बास्तोला र अधिकारीलाई पुरस्कृत गर्नुभएको हो ।

पोखरा घारीपाटनस्थित पोखरा किण्डर गार्टेन ९पिकेजी०का संस्थापक प्रिन्सिपल शिक्षासेवी कमला प्रधानले समाज रुपान्तरणमा निरन्तर कलम चलाइरहेका पत्रकार महिलाको सम्मानका  लागि  १ लाख रुपैयाँको अक्षयकोष स्थापना गर्नुभएको थियो ।

उहाँले पुरस्कार वितरण गर्न अयोजित कार्यक्रममा   अक्षयकोषमा रकम थप १ लाख बढाएर २ लाखको बनाउने  घोषणा गर्नुभयो ।  सोही कोषको व्याज मार्फत प्रत्येक दुई वर्षमा सक्रिय पत्रकार महिलालाई पुरस्कृत गर्ने सञ्चारिका समूह पश्चिमाञ्चलले जनाएको छ ।   पुरस्कारको क्रमशः राशि २० हजार १ सय ११ रुपैयाँ र दश हजार १ सय ११ रुपैयाँ रहेको छ ।

१२ वर्षदेखि पत्रकारितामा क्रियाशिल बास्तोला कान्तिपुर दैनिक हुँदै हाल सञ्चारिका समूहद्वारा उत्पादित टेलिभिजन कार्यक्रम समकोण र महिला खबरको फिचर संयोजक छन् ।

त्यसैगरी संचाारिका समूह पश्चिमाञ्चलले वितरण गर्ने अर्को गुरुङ ब्यूटी एकेडेमी जर्नालिज्म अर्वाड २०७३ बाट अन्नपूर्ण पोष्ट स्याङ्जाका संवाददाता भवानी अधिकारीलाई पुरस्कृत गरिएको छ । १७ वर्षदेखि पत्रकारितामा क्रियाशिल अधिकारी सामुदायिक रेडियो स्याङ्जाको समाचार,सम्पादन प्रमुख समेत हुन् ।

सौन्दर्यविद् चिनु गुरुङले पत्रकार महिलाका लागि स्थापना गरेको यो पुरस्कार प्रत्येक वर्ष पत्रकारितामा क्रियाशिल पश्चिमाञ्चलका एकजना महिलालाई प्रदान गरिन्छ । यस पुरस्कारका लागि गुरुङले १ लाख ११ हजार १ सय ११ रुपैयाँ अक्षयकोष  स्थापना गर्नुभएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: