डोम समुदायमा बालविवाह उस्तै


प्रकाशित मिति :2016-09-07 11:14:29

यमुना खनाल
सप्तरी । सप्तरीका  ८० प्रतिशत डोम समुदायका बालबालिकाको बाल विवाह हुन्छ । सरकारले सबै भन्दा बढी शिक्षा क्षेत्रमै लगानी गर्ने गरे पनि बिपन्न डोम समुदायमा शिक्षाको पहुँच पुग्न नसक्दा अहिले पनि ६ महिनादेखि १० वर्षको उमेर मै डोम समुदायका बालबालिकाको विवाह हुने गरेको डोम समुदायको हक अधिकारका लागि काम गर्ने राम चन्द्र मरिक बताउनु हुन्छ ।

सप्तरीमा करिब २ हजार ५ सयको संख्यामा डोम जाती बसोबास गरिरहेका छन् । जसमध्ये ८० प्रतिशतले विवाह सानै उमेरमा गर्ने गरेका छन् । उनीहरूले आफ्नो छोराछोरीको विवाह सबैको सानै उमेरमा गर्ने गरेको बताउँछन् ।

सप्तरीको छिन्नमस्ता गाविस १ निवासी हलेश्वर मरिकले आफ्ना ७ वर्षीय छोरा सन्तोषको विवाह दुई वर्षअघि पाँच वर्ष कै उमेरमा  सप्तरीकै महदेवा गाविसकी ७ वर्षीया पुनिता मरिक सँग गरिदिएका थिए । यी बाल दम्पतिले अहिले सुँगुंर चराउँदै आएका छन् ।

यसै गाउँका १३ वर्षीय बीरेन्द्र मरिकले पनि दुई वर्षअघि नै कोचाबखारीकी ११ वर्षीया सुनिता मरिकसँग विवाह गरे । सोही ठाउँकै १४ वर्षीय विजय सदाले आफ्नो छिमेकी गाँउकी ११ वर्षीया बालिकालाई सामाजिक परम्परा अनुसार श्रीमती बनाएर भित्र्याए ।

दलित डोम , मुसहर जातीमा शिक्षाको कमी भएका कारण बालविवाह अझै पनि उस्तै रहेको बिहारी सदा बताउनुहुन्छ । बाल विवाह  कानुनविरुद्ध भएपनि सानैमा विवाह गर्ने परम्परा र विवाह नगरिदिँदा बुढापाका रिसाउने डरले लुकाएर विवाह गर्ने गरेको उनीहरूको भनाई छ ।

डोम समुदायमा जस्तै ५० प्रतिशत मुसहर समुदायले बाल विवाह गर्ने गरेको मुसहर समुदायबाट सभासद् बनेका असर्फी सदा बताउँनुहुन्छ  । यसैगरि छिन्नमस्ता गाविसस्थित छिन्नमस्ता भुपेन्द्र माविका संस्कृत शिक्षक हिरालाल खंगले बाल विवाह हुनुमा दलित जातिमा अशिक्षा र जनचेतनाको अभाव र राज्यको गैरजिम्मेवारीपनको नतिजा भएको बताउनुहुन्छ  ।

विवाह हुने अन्तिम समयमामात्र बालविवाह हुँदैछ भन्ने सूचना आउँछ । समाज सबै विवाहको पक्षमा हुन्छ । एक्लो प्रहरीले बालविवाह रोक्न नसक्ने प्रहरीको भनाई छ ।

वाल विवाह कायम रहनुले बालबालिकाले शिक्षा आर्जन गर्न नसकेको अवस्था त छँदैछ यसले मातृ मृत्यु दरमा पनि बृद्धि, र बालिकाको स्वास्थ्यमा असर हुने गरेको  वरिष्ठ जनस्वास्थ्य अधिकृत विजय कुमार झाको भनाई छ । सप्तरीमा अझैपनि  एक लाख आमा मध्ये  २ सय ८१ जनाको वालविवाह गरी सानै उमेरमा बच्चा जन्माउँदा  मृत्यु हुने प्रमुख कारण रहेको झाको भनाई छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: