नेतृत्व दावी गर्दै महिला उद्यमी


प्रकाशित मिति :2016-09-07 11:46:27

महिला खबर

 दायाँ बाट क्रमस् हिरा भट्टराइ, सीता गुरुङ, विन्दु कोईराला र लक्ष्मी पाण्डे

दायाँ बाट क्रमस् हिरा भट्टराइ, सीता गुरुङ, विन्दु कोईराला र लक्ष्मी पाण्डे

पोखरा । पोखरा उद्योग वाणिज्य संघको यही भदौ ३१ र असोज १ गते हुन लागेको  ३१ औं महाधिवेशनमा अध्यक्षसहित चार महिलाले पदाधिकारीमा उम्मेदवारी दर्ता गराएका छन् ।

अध्यक्षमा हिरा भट्टराइसहित अन्य पाँचजना प्रतिस्पर्धामा उत्रिएका छन् ।  वर्तमान कार्यसमितिका प्रथम उपाध्यक्ष देव क्षेत्रीसहित विश्वशंकर पालिखे, ईश्वर कर्माचार्य, नारायण कोईराला र धनिराम बरालले अध्यक्ष पदमा उमेदवारी दर्ता गराएका छन् । भट्टराइ १४ वर्षदेखि संघमा आवद्ध हुनुहुन्छ भने पूर्व उपमहासचिव र वर्तमान कार्य समिति सदस्य हुनुहुन्छ । संघको ६२ वर्षको इतिहासमा पहिलो पल्ट अध्यक्षमा महिलाको उम्मेदवारी परेको हो ।

उद्योग तर्फको उपाध्यक्षका लागि सीता गुरुङ र गोकर्ण कार्की बीच प्रतिस्पर्धा हुने भएको छ  । त्यस्तै वाणिज्य तर्फको उपाध्यक्षमा विन्दु कोईराला सुवेदी, केदारनाथ भट्टराई र सुरेश अधिकारी प्रतिस्पर्धी बनेका छन् । महासचिवमा कांग्रेस कास्कीका कोषाध्यक्ष समेत रहनुभएकी लक्ष्मी पाण्डे र दामु अधिकारीविच प्रतिस्पर्धा हुँदैछ ।

संघको २५ सदस्यीय कार्यसमितिका लागि ५३ जनाले उमेदवारी दर्ता गराएका छन् । सोमवार मनोनयन पत्र लिने सबैले मंगलवार उमेदवारी दर्ता गराएका हुन् । खुल्ला १० सदस्य पदमा २१ जनाले उमेदवारी दिएका छन् । खुल्ला तर्फ  सदस्यका लागि ६ जना महिलाको उम्मेदवारी परेको छ । सदस्य पदमा चीनु गुरुङ, सीता बराल, गीता  तिवारी, मुना वास्तोला, गोमा ढकाल, पवित्रा देवी गुरुङ रहेका छन् ।  संघको यति लामो इतिहासमा पदाधिकारीसहित सदस्यमा यतिधेरै महिलाको उम्मेदवारी पनि पहिलो पल्ट परेको हो ।

दर्ता गरिएको उम्मेदवारी उपर दावी बिरोधका लागि बुधवार बिहान ११ बजेदेखि अपरान्ह २ वजेसम्मको समय तोकिएको निर्वाचन समितिले जनाएको छ । उमेदवारी उपरको दावी विरोधको छानबिन पनि सोही दिन सम्पन्न गरी अपरान्ह  पाँचबजे उम्मेदवारको अन्तिम नामावली सार्वजनिक हुनेछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: