शसक्तिकरणको प्रभाव : सामाजिक काममा दंग छन् मधेशी महिला


प्रकाशित मिति :2016-09-07 16:41:32

पार्वती पाण्डे
कपिलवस्तु । कपिलवस्तुको दक्षिणी गाविसका महिलामा शसक्तिकरणको प्रभाव देखिएको छ । शुरु शुरुमा घरवाट वाहिर ननिस्कने महिला यतिखेर कुनै कार्यक्रम भयो भने चासो राखी गाउँमा हुने  सभा समारोहमा सहभागी हुने गरेका छन् । पुरुषको तुलनामा महिला सामूहिक तथा सामाजिक कार्यमा सक्रिय हुँदै जान थालेका छन् ।

madhesi mahila

विगतमा घुम्टो भित्रै सिमित रहने दलित , मुस्लिम , यादव , पासी , रैदासलगायत समुदायका   महिलाहरू संजालमा आवद्ध भएपछि समाजमा भएका विकृति तथा कुसंस्कारमा केही सुधार  हुँदै गएको अनुभव  महिलाहरूको  छ ।

विभिन्न संघसंस्थाले सञ्चालन गरेका शसक्तिकरण सम्बन्धि कार्यक्रम  र अन्य  तालिममा सहभागी हुँदा  समूहमा आवद्ध हुन प्रोत्साहन मिलेको उनीहरुको भनाइ छ । समूहमा आवद्ध भएपछि उनीहरू शसक्त भएका हुन् ।

समूहमा आवद्ध भएपछि महिला हिंसा , गाउँ घरमा हुने झैझगडाको वारेमा छलफल गराई समस्या समाधान गर्ने गरेको सिंहखोर गाविसस्तरिय संजालकी सचिव उर्मिला रैदासले वताइन् । उनीहरूले गाविसमा महिलाका लागि कति वजेट छ भनेर चासो राख्ने र सो वजेट महिलाकै लागि विनियोजन गर्न समेत दवाव दिने गरेको उर्मिलाको भनाई छ ।

शुरुमा घरवाट वाहिर ननिस्कने  वांसखोरकी उर्मिला यतिखेर गाउँमा केहि  समस्या पर्‍यो भने आफ्नै खोजी हुँदा आनन्दको महशुस हुने बताउँछिन् । जिवनमा आफूले नसोचेको परिवर्तन आफैँमा आउँदा उनी  दंग छिन् ।

 गाविसमा आउने बजेटको बारेमा आफूले जानकारी लिन थालेको हरनामपुरकी प्रभावती कोरीले बताइन् ।  त्यस्तै गोटीहवाकी माधुरी कलवारलाई पनि संजालमा लागेपछि निक्कै सजिलो भएको छ ।

गाउँमा देखिएका समस्या समाधान गर्ने प्रयासमा महिलाहरू जुट्ने गरेका छन् । गाविसस्तरिय महिला संजालले समस्या समाधान गर्न नसकेमा जिल्लास्तरिय संजालमा आउने र कानुनी प्रक्रियामा अगाडी बढउने गरिन्छ  । न्युन आय भएकालाई समूहमार्फत ऋण लगानी र समस्यामा परेका महिलालाई न्यायका लागि पुलको काम गरिदिन गाविस तथा जिल्लास्तरिय संजालले काम गर्दै आएका छन्  ।

महिलालाई सक्षम र सवल वनाउन राज्यले महिला शसक्तिकरणका कार्यक्रमलाई वढाउँदै लैजानुपर्ने  अधिकाकर्मी पुष्पा रेग्मीको भनाई छ । दक्षिणी भेगका मधेशी  समुदायका महिलामा  सामाजिक शसक्तिकरण बढ्दै गएको महिला तथा वालवालिका कार्यालयका प्रमुख कमला पौडेलले वताइन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: