महिला खबर

काठमाडौं ।  पाठेघरको मुखको क्यान्सर रोक्न  दोस्रो चरणको एच.पी.भी. (Human Popilloma virus)  खोप कार्यक्रम  आजदेखि सुरु भएको छ । सरकारले  गत वर्षको फागुनमा कास्की र चितवनमा परिक्षणका लागि सञ्चालन गरेको खोप कार्यक्रम अन्तर्गत दोस्रो चरणको कार्यक्रम सञ्चालन गरेको बालस्वास्थ्य महाशाखाका खोप शाखा प्रमुख मुकुन्द गौतमले जानकारी दिनुभयो ।  छ महिनाको अन्तरमा दुई चरणसम्म दिइने खोप  दोस्रोचरणका लागि आजदेखि सुरु भएको गौतमले  बताउनुभयो ।

काकी र चितवनका  विद्यालय जाने कक्षा छ का र विद्यालय नजाने १० वर्ष उमेरसम्मका १५ हजार किशोरीलाई पहिलो चरणमा खोप दिइएको थियो । गत वर्ष  यो खोप लगाएकालाई दोस्रो चरणमा पनि लगाइने र अहिले छ कक्षामा अध्ययन गरिरहेका र १० वर्षका किशोरीलाई पहिलो चरणको खोप दिइन लागिएको  प्रमुख गौतमले बताउनुभयो  ।

परीक्षणस्वरुप दुई जिल्लामामात्रै खोप कार्यक्रम सुरु गरेको र यसको प्रभाव हेरेर अन्य जिल्लामा पनि लागू  गरिने  उहाँको भनाइ छ । सरकारले  निःशुल्क  दिएको यो एउटा खोपको मूल्य दश हजार रुपैया रहेको र दुई चरणमा लगाउँदा बीस हजार रुपैयाँ पर्ने  गौतमले बताउनुभयो  ।

गौतमका अनुसार पाठेघरको मुखको क्यान्सरको जोखिम भएका ३० देखि ६० वर्ष उमेरका महिलाका लागि पनि कार्यक्रम ल्याउने तयारी भइरहेको छ । ‘खोप कार्यक्रम र महिलाको कार्यक्रमलाई सँगै लैजाने तयारी गरिरहेका जानकारी उहाँले दिनुभयो ।

थप  समाचार

पाठेघरको मुखको क्यान्सर रोक्न खोप अभियान