रामेछापको खानेपानी मुहानमा कोलिफर्म


प्रकाशित मिति :2016-09-11 12:38:02

महिला खबर
रामेछाप । जिल्लाका अधिकांश खानेपानी योजनामा कोलिफर्मका जिवाणु फेला परेका छन् । खानेपानी तथा सरसफाई उपभोक्ता महासंघ जिल्ला शाखा रामेछापले गरेको पानीको परिक्षणका क्रममा जिल्लाका अधिकांश खानेपानीका योजनामा कोलिफर्म जिवाणु फेला परेको जनाएको छ ।

महासंघले जिल्लाका ५३ वटा खानेपानी योजनाको पानी परिक्षण गरेको थियो । पानी परिक्षण गरिएका योजनामध्ये ९५ प्रतिशत भन्दा बढी योजनामा दिशामा पाइने जिवाणु कोलिफर्म फेला परेको खानेपानी तथा सरसफाई उपभोक्ता महासंघ रामेछापका अध्यक्ष लेख बहादुर कार्कीले बताए । पानी परिक्षणका क्रममा कोलिफर्मसँगै अन्य हानिकारक जिवाणु समेत भेटिएको कार्कीले बताए ।

खानेपानीको स्वच्छताको विषयमा कुरा उठेपछि महासंघले जिल्लाका ७० वटा खानेपानीका योजनाको पानी परिक्षणको काम गरेको थियो । पानी परिक्षणको काम हाल पनि जारी रहेको महासंघले जनाएको छ । ७० मध्ये ५३ को भने पानी परिक्षण भइसकेको र बाँकी सबै परिक्षण सम्पन्न भईसकेपछि त्यसको प्रतिवेदन खानेपानी तथा सरसफाई डिभिजन कार्यालय रामेछाप र जिल्ला स्वास्थ्य कार्यालय रामेछापलाई बुझाइने पनि अध्यक्ष कार्कीले बताए ।

जिल्लावासीले उपभोग गर्ने खानेपानी दुषित अवस्थामा रहेको पाइएकोले फिल्टर गरेको पानी उमालेर खानुपर्ने, तथा सोडिस गरेर या पियुसको प्रयोग गरेरमात्र पानी पिउन महासंघले सुझाव दिएको छ । महासंघले एउटा योजनाको ४ वटा नमुना परिक्षण गर्दा पानीको मुहान, पानी संकलन गर्ने ट्याङ्की, धारो र घरमा समेत परिक्षण गरेको बताएको छ ।

पानीमा आइरन, एमोनिया, कोलिफर्म, नाइट्रेड, क्लोराइड, फस्फोरस पानीको कडापन, अम्लीय तथा क्षारीय अवस्था लगायतका ९ वटा आइटममा पानी परिक्षण गरिएको जानकारी महासंघले बताएको छ । खानेपानीका निम्ति जटिल मानिएका ९ वटा अवस्थाको मात्र पानी परिक्षण गरिएको पनि महासंघले जनाएको छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: