महिला संघको महाधिवेशनमा पुरुष नेता व्यस्त


प्रकाशित मिति :2016-09-13 17:37:18

नुनुता राई
14365450_1112713642146085_3411569_nललितपुर । नेपाली कांग्रेसको भगीनी संगठन नेपाल महिला संघको नयाँ नेतृत्वका लागि ३१ गते प्रतिस्पर्धा हुने भएको छ । दश वर्षपछि भईरहेको महिला संगठनको चौथो अधिवेशनले नयाँ क्षमतावान नेतृत्वको जन्म हुने महिला संघका नेताले बताइरहेका छन् ।

शसक्तिकरणका चार सुत्र निकास, समान सहभागिता, शान्ति, समृद्धि र संवैधानिक विकास’ भन्ने मूल नारासहित बुधबारदेखि महाधिवेशन सुरु हुदैछ ।  नेपाली काँग्रेसभित्र रहेको गुटगत उम्मेद्वारीको कारण माहौल थप तताएको छ । अहिलेसम्म रामचन्द्र पौडेलको पक्षबाट मिना पाण्डेलाई उम्मेद्वार दिने घोषणा गरेको छ । मिना पाण्डेको घोषणासँगै स्थानीय, प्रान्तीय चुनावमा चालीस प्रतिशत कार्यकारीणी मागको लागी आफ्नो उम्मेद्वारी भएको महिला खबरलाई बताएकी छिन् । रामचन्द्र पौडेलको प्रस्ताव सर्वसम्मत अध्यक्ष सुजाता कोइरालालाई शेरबहादुर देउवा पक्षले अस्वीकार गरेको समाचार बाहिरिएको छ । पार्टीको गुटबन्दी कै कारण अहिले काँग्रेस नेताबीच क–कसलाई उम्मेद्वार बनाउने भन्ने विषयमा होडबाजी चलिरहेको देखिन्छ । पुरुष नेता सक्रियरुपमा आफ्ना पक्षधरलाई सञ्चालन गर्न व्यस्त छन् ।

यस्तै सभापति शेरबहादुर देउवाको पक्षबाट चित्रलेखा यादव, उमा अधिकारी र मञ्जु खाँडको चर्चा छ । आन्तरिक असहमतीका कारण उम्मेद्वारी घोषणा गरेका छैनन्  ।

कृष्णप्रसाद सिटौला पक्षले पनि उम्मेद्वारी दिने तयारी गरिरहेको भए पनि कसलाई उठाउने भन्ने विषयमा निर्णय गरेको छैन । भदौ २९ देखि ३१ गतेसम्म काठमाडौंको भृकुटिमण्डपमा चौथो महाधिवेशन गर्ने तयारीमा रहेको छ ।

प्रत्यक्ष निर्वाचन क्षेत्रबाट ९ जनासहित २ हजार २ सय ४४ प्रतिनिधि महाधिवेशनमा सहभागि हुने जनाइएको छ । सभापति देउवाले उद्घाटन गर्ने महाधिवेशनको बन्दसत्र पनि भृकुटीमण्डपमा हुने भए पनि नयाँ नेतृत्वका लागि निर्वाचन भदौ ३१ गते राष्ट्रिय सभागृहमा हुने क्षेत्रीले जानकारी दिइन् । विद्युतीय भोटिङमार्फत नेतृत्व चयन गर्ने संघले तयारी गरेको छ । पार्टीले महिला संघमा वर्तमान समितिमा रहेका कुनै पनि व्यक्ति उम्मेदवार बन्न नपाउने व्यवस्था गरेको छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: