लैंगिक समानता सम्बन्धि अन्तर्राष्ट्रिय सम्मेलन हुँदै


प्रकाशित मिति :2016-09-21 14:28:01

 महिला खबर
sushil-k-shresthaकाठमाडौं । विहीवारदेखि काठमाडौंमा लैङ्गिक समानता सम्बन्धि अन्तर्राष्ट्रिय  सम्मेलन हुने भएको छ । व्यवस्थापिका संसदको सामाजिक न्याय तथा मानवअधिकार समितिले लैङ्गिक समानता तथा सामाजिक न्यायका बिषयमा अन्तर्राष्ट्रिय सम्मेलनको आयोजना गर्न लागेको हो । महिलाको सहभागिता बढाई उनीहरूलाई नेतृत्व तहमा पुर्‍याउन के गर्न सकिन्छ भनेर छलफल गर्न सम्मेलनको आयोजना गर्न लागिएको समितिका सभापति शुशील कुमार श्रेष्ठले जानकारी दिनुभयो ।  सम्मेलनमा नेपाललगायत भुटान, म्यानमार र डेनमार्कका मन्त्री, महिला अधिकारकर्मी र सांसद सहभागी हुनेछन् ।

सम्मेलनमा भाग लिन भुटान र म्यान्माका मन्त्री, सांसद तथा अधिकारकर्मी  काठमाडौं आइसकेका छन् ।  भुटानका १५ सांसदको प्रतिनिधित्व गर्दै निर्माण तथा मानवीय बस्ती मन्त्री ल्यान्पो दोर्जी छोडेन र म्यान्माका सांसद खिन स वाईको नेतृत्वमा १० सदस्यीय सांसद टोली काठमाडौं आइसकेको जानकारी सभापति  श्रेष्ठले दिनुभयो । सम्मेलनमा भुटान, म्यान्मार र डेनमार्कमा महिलाको सहभागिता र नेतृत्व कस्तो छ भन्ने विषयमा पनि छलफल र अनुभव आदान प्रदान हुनेछ । महिलाको सहभागितामात्रै होइन नीति निर्माणमा दख्खल दिने खालको अर्थपूर्ण सहभागिता कसरी गराउन सकिन्छ भन्ने विषयमा समेत छलफल गरिने सभापति श्रेष्ठले बताउनुभयो ।

सम्मेलनमा  सवै देशका प्रतिनिधिले आफ्नो प्रस्तुति राख्नेछन् । नेपालका तर्फबाट सांसद अष्टलक्ष्मी शाक्य र पुर्वशिक्षामन्त्री चित्रलेखा यादवले नेपालमा महिला सहभागिता र अधिकारको आन्दोलनका विषयमा प्रस्तुति राख्ने उहाँले जानकारी दिनुभयो ।  सम्मेलनको अन्तिम दिन असोज ७ गते काठमाडौं घोषणापत्र जारी गरिने छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: