लैङ्गिक समानतासम्बन्धी अन्तर्राष्ट्रिय सम्मेलन सुरु


प्रकाशित मिति :2016-09-22 16:12:29

महिला खबर

capture

काठमाडौं । महिलालाई नेतृत्वमा पुर्याइ सवै ठाउँमा उनीहरूको अर्थपुर्ण सहभगिताका लागि के गर्नुपर्छ भन्ने विषयमा छलफल गर्न ललितपुरमा अन्तर्राष्ट्रिय सम्मेलन सुरु भएको छ ।

संसद्को सामाजिक न्याय तथा मानवअधिकार समितिले आयोजित लैङ्गिक समानता तथा सामाजिक न्यायसम्बन्धी अन्तराष्ट्रिय सम्मेलनमा बोल्दै  समितिका सभापति शुशील कुमार श्रेष्ठले संविधानसभामार्फत जारी भएको नेपालको नयाँ संविधान लैङ्गिक विभेद अन्त्य गर्न र महिला अधिकारको सुनिश्चित गर्न कोसेढुङ्गा रहेको बताउनुभयो । उहाँले नेतृत्व तहमा महिला सहभागिता वृद्धि गराउनुपर्नेमा जोड दिनुभयो

शुक्रवारसम्म चल्ने सो सम्मेलनमा समानताको वहसमा पुरुषलाई संलग्न गराउनुको महत्व र यसमा सहभागी हुन पुरुषलाइ प्रोत्साहन गर्ने उपाय, राजनीतिमा महिलाको प्रतिनिधित्व र सम्मान बढाउन आइपरेका चुनौति, सम्मेलनमा सहभागी देशका राजनीतिक दलमा लैंगिक समानताको अवस्था तथा सुधारका उदाहरण प्रस्तुत गरिने छ । साथै सम्मेलनमा सहभागी देशमा लैङ्गिक समानता तथा सामाजिक न्यायसम्बन्धी संवैधानिक प्रावधान, कार्यान्वयनका अवस्था र चुनौतीका विषयमा अनुभव आदानप्रदान पनि गरिने छ ।

पुरुष राजनीतिज्ञले सामना गर्नुपर्नेभन्दा फरक कस्ता चुनौती महिला राजनीतिज्ञले सामना गर्नुपर्छ  भन्ने विषयमा चार देशका महिला सांसदले आ–आफ्ना अनुभवसमेत सम्मेलनमा राख्नेछन् ।

सम्मेलनमा नेपालसहित भुटान, म्यान्मा तथा डेनमार्कका सांसद तथा सो क्षेत्रमा कार्यरत राष्ट्रिय तथा अन्तर्राष्ट्रिय गैरसरकारी संस्थाका प्रतिनिधि  सहभागी छन्  ।

सम्मेलनमा भुटानका निर्माण तथा मानवीय बस्तीसम्बन्धी मन्त्री ल्यान्पो दोर्जी छोडेनसहित त्यहाँको १५ जना सांसद, म्यान्माका खिन स वाईसहित १० सांसद तथा डेनमार्कका सांसदको सहभागिता रहेको छ । सम्मेलनको अन्तिम दिन शुक्रवार काठमाडौं घोषणापत्र जारी गरिने छ ।

    Comment Here!

Related NEWS
मुख्य खबर

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

म सिर्फ भीर भीर खोजिरहेछु

-उषा शेरचन- कहाली लाग्दो साँझमा झमझम मृत्युको नशा ब्रान्डी .......! ह्विस्की ....!! रम..................!!! स्लो-प्वाइजन ...!!!!

Read more
© 2015.All rights reserved by mahilakhabar.com
%d bloggers like this: