पत्रकारितालाई जिम्मेवार र उत्तरदायी बनाउन प्रेस काउन्सिल सजग हुनुपर्छः राष्ट्रपति


प्रकाशित मिति :2016-09-22 17:00:45

महिला खबर

prize

काठमाडौं । राष्ट्रपति बिद्या भण्डारीले पत्रकारितालाई जिम्मेवार र उत्तरदायी बनाइ जनविश्वास बढाउने काममा  प्रेस काउन्सिल सँधै सजग हुनुपर्ने बताउनुभएको छ ।

प्रेस काउन्सिल नेपालको ४७ औँ वार्षिकोत्सव तथा पुरस्कार वितरण समारोहमा बोल्दै राष्ट्रपति भण्डारीले पत्रकारिताका मूल्यमान्यतालाई आत्मसात गरी लोककल्याणकारी राज्यले अंगिकार गरेको सामाजिक न्यायमा आधारित समाजको स्थापनामा राज्यको चौथो अंगले मार्गदर्शक र नेतृत्वदायी भूमिका खेल्नसक्ने  हुनाले यसलाई अझ बढी जिम्मेवार र उत्तरदायी बनाइ जनविश्वास बढाउने काममा  प्रेस काउन्सिल सँधै सजग हुनुपर्ने  बताउनुभएको हो  ।

सूचना तथा संचार प्रविधिमा आएको अभूतपूर्व विकासका कारण यो क्षेत्रको दायरा अझ बढि व्यापक र संवेदनशील हुँदै   संचार माध्यमको व्यापक विकासका साथै यिनीहरुबीच तीब्र प्रतिस्पर्धा बढेकाले नियमनकारी निकाय/संस्थाको हैसियतमा काउन्सिलले  आफ्नो दक्षता पनि बढाउनु आवश्यक रहेको  उहाँले बताउनुभयो ।

संचार क्षेत्रले लोकतन्त्र, मौलिक हक, मानवअधिकार तथा देशका अल्पसंख्यक, महिला, बालबालिक र विपन्न तथा उत्पीडित वर्गका हक र अधिकारको प्रभावशाली पहरेदारको काम गर्दै आएको  स्मरण गर्दै उहाँले संघीय लोकतान्त्रिक गणतन्त्रलाई आत्मसात गर्ने नेपालको संवैधानिक प्रावधानको पालना र सम्पादनसँगै राज्यको चौथो अंगको ध्यान देशलाई द्रुततर गतिमा अघि बढाउने कार्यमा सहयोगीको रुपमा हुनुपर्ने ‍‍‍‍अाैंयाउनुभयो ।

देशमा न्याय, लोककल्याण, शान्ति र स्थिरतालाई दीगो रुपमा प्रश्रय दिनुका साथै नेपलको सर्वोच्च हितमा मित्रराष्ट्र तथा अन्तर्राष्ट्रिय संघसंस्थासँगको सम्बन्ध र आर्थिक कूटनीतिको उपयोग, प्रकृति संरक्षण र लोपोन्मूख जीवजन्तु तथा वनस्पतिको जगेर्ना, प्राकृतिक प्रकोपबाट बच्ने सावधानी  र उपाय, खाद्य सुरक्षा, जनस्वास्थ्य, शिक्षा, खेलकूद, वन, अर्गानिक कृषिलगायत कृषिमा आधुनिकीकरण, साँस्कृतिक सम्पदा तथा पुरातात्विक संरक्षण, पर्यावरण र जलवायु परिवर्तन, पर्यटन जस्ता क्षेत्रलाई पत्रकारिताले प्राथमिकतामा राख्नुपर्ने राष्ट्रपति भण्डारीको भनाइ थियो ।

कार्यक्रममा सूचना तथा संचारमन्त्री राम कार्कीले पुरस्कृत महिलाको संख्या थोरै भएकाले समावेशी बनाउन प्रेस काउन्सिलको ध्यानाकर्षण गराउनुभएको थियो ।

कार्यक्रममा बिभिन्न पुरस्कारबाट ३५ जना पत्रकारलाई राष्ट्रपति भण्डारीले पुरस्कृत गर्नुभएको थियो । यी मध्ये चार जना महिला थिए । प्रेस काउन्सिल महिला सशक्तिकरण पत्रकारिता पुरस्कारबाट पुरस्कृत हुने महिलामा गोरखापत्रका फोटो पत्रकार कविता थापा, रोल्पाकी पत्रकार मनिषा श्रेष्ठ, पोखराकी दुर्गा भण्डारी र  समावेशी पत्रकारिता पुरस्कारबाट सुनसरीकी लक्ष्मी चौधरी रहेका छन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: