महिला खबर
कपिलवस्तु ।  दक्षिणी भेगका महिला सामाजिक रुपले शसक्त बन्दै गएका छन । लैंगिक हिंसाका लागि पुरुषसँगको सहकार्यले आफूहरूलाई सहयोग पुग्दै गएको उनीहरूको अनुभव छ  । मदिरा सेवन गरी गाउँमा झैझगडा गर्ने पुरुष पनि सुध्रिँदै गएको उनीहरू बताउँछन् ।

लैंगिक हिंसा अन्त्यका लागि पुरुषसँगको सहकार्य भएकाले जिल्लाको सौराहा , हर्दौना , सिहोखोर गाविसमा पुरुषलाई पनि समेटेर समूह गठन गरिएको छ । संयोजकमा गाविस सचिव हुने समूहमा  युवा सञ्जाल , वालक्लव , सहकारी , शिक्षक , स्थानिय राजनैतिक दल ,  प्रहरीलगायतका प्रतिनिधि  आवद्ध छन् ।

समूहले लैंगिक हिंसा, वालविवाह नियन्त्रण गर्नुका साथे स्थानिय निकायबाट लैंगिक हिंसा न्युनिकरणका लागि वजेट विनियोजन गर्न दवाव दिने जस्ता काम गर्दै आएको छ  ।  समूहले सवैसँग सहकार्य गरेर काम गरेको र छ महिनाको अवधिमा ५५ भन्दा बढी झैझगडा गाउँ मै  मेलमिलाप गराएको जनाएको छ । अव्यवस्थित रुपमा भइरहेको   रक्सी विक्री वितरणलाई नियन्त्रण गर्ने काम पनि उक्त समूहले गर्दै आएको छ ।