किशोरीहरूको चौंथो राष्ट्रिय सम्मेलन सुरु


प्रकाशित मिति :2016-10-03 17:13:41

महिला खबर

ललितपुर। किशोरीहरूको चौंथो राष्ट्रिय सम्मेलन सोमबारदेखि काभ्रेको धुलिखेलमा सुरु भएको छ। नेतृत्वमा बालिका भन्ने नारासहित सुरु भएको उक्त सममेलन दुई दिनसम्म चल्ने छ। वालविवाह, घरेलु श्रम, बेचविखन, गर्भ पहिचान गरी छोरी भए पतन गराउनेलगायतका समस्या भएकाले यसको समाधानका लागि सम्मेलनमा छलफल हुने बताइएको छ।

बालविवाह,बालिकामैत्री शिक्षा स्वास्थ्य र उनीहरूमाथि बढिरहेको यौन हिंसा र दुर्व्यवहारविरुद्ध कडा कानुन बनाउनका लागि यो सम्मेलनले आवाज उठाउने आयोजक समग्र राष्ट्रिय किशोरी सन्जालकी अध्यक्ष मोनिका रानाभाटले बताउनुभयो।

girls22

अन्तर्राष्ट्रिय बालिका दिवस अक्टुवर ११ को अवसर पारेर आयोजना गरिएको सम्मेलनका सहभागी बालिका तथा किशोरीले आउँदो १९ गते राष्ट्रपतिसँग बालिका कार्यक्रम अन्तर्गत राष्ट्रपति कार्यालय शितल निवासमा बालसंसद प्रस्तुत गर्ने अध्यक्ष रानाभाटले जानकारी दिनुभयो ।

कार्यक्रममा राष्ट्रपति, सभामुख, सांसद तथा सरकारका प्रतिनिधिको भूमिका स्वयं बालिकाहरूले निभाउनेछन्। बालिकामध्ये बालिका राष्ट्रपतिले बालसंसदमा नीति तथा कार्यक्रमको खाका प्रस्तुत गर्ने कार्यक्रम छ। बालिकाहरूलाई भविष्यमा प्रत्येक क्षेत्रको नेतृत्व लिन प्रोत्साहन गर्ने र उनीहरू नेतृत्व लिन सक्षम छन् भन्ने सन्देश दिँदै बालिकाका मु्द्दाप्रति सरोकारवालाको ध्यानाकर्षण गराउने उद्देश्यले कार्यक्रमको आयोजना गरिएको हो। सम्मेलनमा २० जिल्लाका १० देखि १९ वर्षका ४० जना बालिका तथा किशोर सहभागी छन्।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: