होमस्टेमा सक्रिय वन्दै थारु किशोरी


प्रकाशित मिति :2016-10-14 02:00:25

पार्वती पाण्डे
home-stayकपिलवस्तु । बोली, भाषा, पाहुनालाई सत्कार गर्ने परिपाटी साथै खानपानमा व्यवस्थित देख्दा पछिल्लो समयमा होमस्टे पर्यटकका लागि पहिलो रोजाई बन्दै गएको छ । हसिलो अनुहारका साथमा थारु पहिरनमा चिटिक्क परि थारु समुदायका किशोरीहरू पाहुनाको  स्वागत सत्कारका लागि हातमा  ढकियासहित फूलमाला अबिर लिएर तयार हुन्छन् । निग्लिहवा जगदीशपुरका थारु महिलाको सक्रियता तथा होमस्टेले टोलमा निकै ठुलो परिवर्तन ल्याएको छ ।  आफ्नै भेषभुषामा स्वागत गर्न पाउँदा निकै खुशी लागेका  किशोरी एवं जगदीशपुर जलाशय होमस्टेका सदस्य  सीता थारु बताउँछिन्  ।

विश्व सिमसारक्षेत्रमा सुचिकृत  जगदीशपुर जलाशय नजिकै थारु गाँउमा पर्यटन प्रवद्र्धन गर्नका लागि संचालन भएको होमस्टेले महिला बिशेष गरी किशोरीहरूमा  एउटा छुट्टै सक्रियता तथा मेलमिलापको भावना जगाएको छ ।

कपिलवस्तु जिल्लाको ग्रामीण क्षेत्र भएपनि अहिले बिकास हुने क्रममा रहेको छ । महिला बढी मात्रामा सक्रिय भएर एक आपसमा मेलमिलापको भावनाले गर्दा समाजमा निकै परिवर्तन आएको सरिता  थारुले बताइन् । होमस्ट अहिले आम्दानीको गतिलो माध्यमका रुपमा बिस्तारै हुँदै गरेको अनुभव उनीहरूको छ । गाउँमा स्थानिय जनताको दिगो जिविकोपार्जनसँंगै यस क्षेत्रमा रहेका जैविक बिविधता, संरक्षण, धार्मिक पुरातात्विक वस्तुको संरक्षण साथै थारु समुदायको कला संस्कृतिको पनि संरक्षण भएकाले उनीहरू  निकै खुसी छन् ।

होमस्टेमा बिदेशी तथा स्वदेशी पर्यटक आउने बिस्तारै बढ्दै गईरहेको उनीहरूले बताए । कपिलवस्तु जिल्लाकै बिभिन्न स्थान, छिमेकी जिल्लालगायत नर्बे, बेलायत, जापान, अमेरिकाबाट पर्यटकहरू आउने गरेको छन्  ।

पर्यटकहरूले  थारुका परम्परागत परिकारहरू घोंगी, ढिकरी, वरिया, सोहनी, बुकनी, चिचर, उसिनेको भात, माछाका तरकारी र  लोकल कुखुराको मासु, गङ्गटा, भुजियाको भात, केरुङगाको साग, न्युरो, बेथे, छिटाको साग, सिन्किको झोल, चटनी, डाँखी, झोटी, केवाँ, बम्तीपन झझरा, कचरीआदि बिभिन्न परिकार खुवाइने गरेको  सीता थारुले बताइन् ।

 अपरझट आउने पाहुनाका लागि सामूहिक रुपमा  खाजा तथा खानाको व्यबस्था आधी घण्टा भित्र तयार गर्ने गरेको सुमित्रा थारु  बताउछिन्  । होमस्टेले गाउँमा र खासगरी महिलाको आर्थिक अवसथामा निकै परिवर्तन आएको उनीहरूले बताए । महिलाले साप्ताहिक रुपमा गाँउदेखि जखिरा ताल सम्म सरसफाइ  गर्ने यसमा बिशेष गरी किशोरीहरूको उल्लेखनीय सहभागिता रहने  स्थानीय  सरिता थारुले बताइन् ।

पछिल्लो समयमा गाँउगाउँमा सञ्चालनमा आएका होमस्टेले ग्रामीण अर्थतन्त्रलाई सुधार गर्दै आन्तरिक तथा बाहिय पर्यटकलाई आकर्षित गर्दै जिबन स्थरमा सुधार त भएकै छ साथै बैदेशिक मुद्रा आर्जन गर्ने उपयुक्त स्रोत बन्न थालेको छ । २०७२ माघ १९ गते सिमसार दिवसकै दिन जगदिशपुर जलाशय होमस्टे गठन गरिएको हो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: