राष्ट्रिय महिला क्रिकेट टिम एसिया कपमा छनोट


प्रकाशित मिति :2016-10-16 12:45:36

महिला खबर

criket-womenasia

काठमाडौं । नेपाली राष्ट्रिय महिला क्रिकेट टोली एसिया कपका लागि छनोट भएको छ ।  आइसीसी महिला विश्वकप क्रिकेट अन्तर्गत शनिवार भएको अन्तिम खेलमा थाइल्यान्डले हङकङलाई सात विकेटले पराजित गरेपछि नेपाली राष्ट्रिय महिला क्रिकेट टिम एसिया कपमा छनोट भएको हो । नेपालले कुल छ खेलमध्ये तीनवटामा विजय हाँसिल गरेर ६ अङ्कसहित प्रतियोगिताको उप–विजेता बनेपछि एसिया कपका लागि छनोट भएको हो ।

विश्वकप क्रिकेटको एसियाली छनौटमा नेपाल दोस्रो भएका कारण आगामी नोभेम्बर र डिसेम्बरमा थाइल्यान्डमा हुने एसियाली क्रिकेट कपमा  खेल्ने भएको हो । उक्त प्रतियोगितामा टेष्ट खेल्ने भारत, पाकिस्तान, श्रीलङ्का र बङ्गलादेशसँगै आयोजक थाइल्यान्डले सोझै प्रवेश पाएका छन् ।

यस्तै थाइल्यान्डले आइसीसी महिला विश्वकप क्रिकेट प्रतियोगितामा १० अङ्कसहित एसियाली छनौटको पहिलो स्थान प्राप्त गर्दै श्रीलङ्कामा हुने ग्लोबल क्वालिफायरमा छनौट भएको छ ।

यसअघि शनिवार सम्पन्न प्रतियोगिताको आफ्नो अन्तिम खेलमा नेपालले चीनलाई चार विकेटले पराजित गरेको थियो । पहिला ब्याटिङ गरेको चीनले निर्धारित २० ओभरमा सात विकेट गुमाएर ८५ रन बनायो । छयासी रनको विजयी लक्ष्य नेपालले १७.३ ओभरमा प्राप्त गरेको थियो ।

नेपालका लागि नेरी थापाले २२, सीता रानामगरले २० र कप्तान रुबिना क्षेत्रीले अविजित १३ रन बनाएका थिए । प्रतियोगितामा चीनसँग नेपालको यो दोहोरो जित हो । यसअघि पहिलो खेलमा पनि नेपालले चीनलाई २० रनले हराएको थियो ।

प्रतियोगिताअन्तर्गत नेपाल पहिलो खेलमा आयोजक हङकङसँग तथा दोस्रो खेलमा थाइल्याण्डसँग पराजित भएको थियो । तेस्रो र चौथो खेलमा नेपालले  चीन र हङकङलाई पराजित गरेको थियो । पाँचौँ खेलमा नेपाल थाइल्यान्डसँग पराजित भएको थियो ।

तस्बिरः क्रिकेट एशाेसियसन अफ नेपालको वेव साईटबाट

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: