लमजुङमा उमेरै नपुगी बच्चा जन्माउने बढे


प्रकाशित मिति :2016-10-19 10:34:27

बेलिना थापा

bal bibah

लमजुङ । पछिल्लो समय लमजुङमा उमेर नपुगी बच्चा जन्माउनेको संख्या उच्च रहेको एक तथ्याङ्कले देखाएको छ । जिल्ला जनस्वास्थ्य कार्यालय लमजुङको तथ्याङ्क अनुसार आर्थिक वर्ष २०७२/७३ मा ७ सय ५३ जना किशोरीले उमेर नपुगी बच्चा जन्माएका छन् ।

उनीहरू सबै १९ वर्ष भन्दा मुनिका रहेको कार्यालयका पब्लिक हेल्थ नर्स अधिकृत अम्विका केसीले जानकारी दिनुभयो । कार्यालयको तथ्याङ्क अनुसार गत आर्थिक वर्षमा सबैभन्दा बढी भोर्लेटारमा २६ जना किशोरीले उमेरै नपुगी बच्चा जन्माएका छन् ।

यस्तै खुदीमा २५, चक्रतिर्थमा २४, धमिलिकुवामा २१, चिसंकुमा १९ र रम्घामा १८ जनाले उमेर नपुगी बच्चा जन्माएको तथ्याङ्कले देखाउँछ । अन्य स्थानमा समेत सोही संख्यामा उमेर नै नपुगी बच्चा जन्माउने रहेको तथ्याङ्कमा उल्लेख छ । यो तथ्याङ्कले जिल्लामा वालविवाह उच्च रहेको देखाएको स्वास्थ्यकर्मी बताउँछन्

शिक्षा र चेतनाकै कमीका कारण बढ्दो बालविवाह र सानैमा बच्चा जन्माउने समस्या बढीरहेको स्वास्थ्यकर्मीले बताए । कम उमेरमा बच्चा जन्माउने समस्यासँगै जिल्लामा असुरक्षित गर्भपतन गर्नेको संख्या समेत उल्लेख रहेको पाइएको छ । बढी मात्रामा जिल्ला बाहिर गएर असुरक्षित रुपमा गर्भपतन गराउनेको संख्या बढेको पाइएको स्वास्थ्यकर्मीहरू बताउँछन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: