महिलाले गरिन् कुटानी पिसानी मिलको सुरुवात


प्रकाशित मिति :2016-10-20 14:56:29

धनु राई
ओखलढुंगा । उवु गाविसकी गोमाकुमारी भण्डारी राईले गाउँमै पहिलो पटक कुटानी पिसानी मिल सञ्चालनमा ल्याइन् । गाउँका अधिकांश महिलाको धेरै समय ढिकीजाँतोमै वित्ने समस्या देखेर आफूले दश वर्ष अघि मिल सञ्चालनमा ल्याएको गोमाले बताइन् ।

कास्कीमा जन्मेपनि २०४७ सालमा उवु गाविसका लक्ष्मण राईसँग विवाह गरेर गोमा ओखलढुंगा आएकी हुन् । विहे गरेर आएदेखि नै गाउँका महिलालाई सहज हुने काम सुरु गर्ने सोचाइमा रहेकी उनले कुट्ने पिस्ने कामले महिलालाई फुर्सद नमिलेको देखेपछि कुटानी पिसानी मिल सुरु गरेको बताइन् ।

गाउँका आमा दिदी बहिनीका लागि प्रौढ कक्षा सन्चालन गर्दा कोदोमकै पिध्ने र धान कुट्ने कामले फूर्सद नमिलेकाले पढ्न जान नभ्याउने गरेका बताएपछि आफूलाई यो कामका लागि उत्साहित बनाएको गोमा बताउँछिन् । उनले भनिन् ‘गाउँमा मिलको सुविधा ल्याउन सके महिलाले यसबाट छुटकारा पाउने थिए भनेर गाविसमै पहिलो पटक मिल सञ्चालन गरेकी हुँ।’

img_20160922_131937

उनी महिलाले चलाउन सक्ने मिलका बारेमा बुझ्न उदयपुरको कटारीसम्म पुगिन् । तर, महिलाले चलाउन सक्ने नपाएपनि अरु जस्तै पुरुषले चलाउने मिल नै किनेर ल्याएको उनले बताइन् ।

गाउँमा मिल ल्याउँदा आफूलाई निरुत्साहित गर्ने र महिलाले चलाउन सक्दैनन भन्ने खालका टिप्पणी सुनेपनि काम सुरु गरेर देखाएको उनी बताउँछिन् । ‘उत्साहदिनुको साटो यो मिल महिलाले चलाउन सक्दैन भनि निरुत्साहित पार्ने गरेका थिए, तरपनि चलाउन सक्छु नै भन्ने हिम्मत गरी हालसम्म चलाईरहेकी छु’ उनी भन्छिन् ।

१० वर्षअघि उनले यो मिल गाउँमा ल्याएकी थिइन् । एक लाख ५ हजार रुपैयाँ लगानी गरेर मिल सुरु गरेकी उनले एकै वर्षमा आफ्नो लगानी उठाईसकेको बताईन ।

सुरुमा कुटानी पिसानीबाट मासिक ८ देखि १३ हजार रुपैयाँसम्म आम्दानी गर्ने गरेपनि अहिले भने घटेको उनी बताउँछिन् ।
गोमा कै सल्लाह र प्रेरणामा गाउँका अन्य वडामा पनि महिला समूह मिलेर मिल सन्चालनमा ल्याएका छन् । यस कारण पनि उनको आम्दानी घटेको हो ।

अहिले यहाँका महिला ढिकीजाँतो गर्ने समयमा महिला गाउँमा हुने समूहका बैठकमा भाग लिन जान र समाज सेवामा समय दिन सकेको गोमा भण्डारी राईले बताइन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: