आम नागरिकलाई न्याय पहुँच बढाउन घरदैलो कार्यक्रम


प्रकाशित मिति :2016-10-21 11:55:56

महिला खबर
सिन्धुपाल्चोक । न्याय तथा अधिकार संस्था नेपालले आम नागरिकलाई न्यायमा पहुँच बढाउनका लागि घरदैलो अभियान चलाउने भएको छ । जिल्लाको ठोकर्पा र कालिका गाउँ विकास समितिका एक हजार बढी घरमा अभियान सञ्चालन गरिने उक्त संस्थाले जनाएको छ ।

घरदैलो कार्यक्रम सुरु हुनुअघि विहीवार सदरमुकाम चौतारामा गरिएको छलफलमा न्यायमा पहुँच बढाउन समुदायका सबै व्यक्ति र समूह सक्रिय रहुनुपर्ने सरोकारवालाले औंल्याएका थिए ।

स्थानियस्तरमा यो शैक्षिक सत्रको आधा अवधी समेत गुज्रन बाँकी हुदा ५२ जना बालबालिकाले विद्यालय छोडेको, चालु आर्थिक वर्ष अनेकन हिंसामा महिला परेको, दलित र सीमान्तकृत समुदायमा अधिक वालविवाहको समस्या कायम रहेकोलगायत समस्या निराकरण गर्न सचेतना जगाउने उद्देश्यले घरदैलो कार्यक्रम जरुरी रहेको संस्थाका जिल्ला संयोजक दिनेश थापाले बताउनुभयो । यस अभियानका लागि बाल समूह, युवा समूह र न्यायमा पहुँच अभिबृद्धि गर्ने स्थानिय सञ्जाल क्रियासिल रहने छन् ।

स्थानियस्तरवाटै हिंसा न्यूनिकरण, न्यायिक पहुँच वृद्धि र अधिकार संरक्षणको कामको सुरुवात हुनु सकारात्मक भएको जिल्ला न्यायाधिवक्ता अभिकेशर पोखरेलले बताउनुभयो ।

लक्षित वर्गको वजेट विनियोजन र कार्यान्वयन कागजमा मात्र सीमित रहेकाले यस्ता कार्यक्रम प्रभावकारी वन्दै जाने जिल्ला विकास समितिका योजना अधिकृत राजेन्द्र नेपाल बताउनुहुन्छ । कार्यक्रमलाई थप प्रभावकारी वनाउन अनुरोध गदै उहाँले भन्नुभयो, ‘गाँउ परिषदमा राजनीतिक दल, वडा नागरिक मञ्च, नागरिक सचेतना केन्द्र, बालबालिका, दलित तथा सीमान्तकृत समुदायको प्रतिनिधित्व हुन्छ , तर वजेट विनियोजन, कार्यान्वयन र सशक्तिकरण अझै सशक्त वनाउनु जरुरी छ ।’

घरदैलोमा हिंसारहित समाज निर्माण गर्न अभिप्रेरित गर्न जिल्ला प्रहरी कार्यालयका प्रहरी निरीक्षक केदार वस्नेतले सुझाउनुभयो । ‘हिंसा नियन्त्रणमा जोड दिने र हिंसाका घटना भएमा प्रहरीलाई खवर गर्न सकिन्छ’ उहाँले न्यायमा पहुँच वृद्धि गर्न प्रहरी सँगसँगै रहेको प्रत्याभूत गर्न अनुरोध गनुभयो ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: