प्राविधिक विषयमा आकर्षित हुँदै छात्रा


नर्समात्रै हैन इन्जिनियर र ओभरसियर हुन्छौं

प्रकाशित मिति :2016-10-21 12:35:37

महिलाका लागि छुट्टयाइएको परम्परागत विषय स्टाफ नर्स, अनमी होइन अव निर्माण, इलेक्ट्रिक, भेट्नरी, कृषि विज्ञान जस्ता विषय छात्राले छान्न थालेका छन् ।

सर्मिला बुढाथोकी

ल्याब असिस्टेन्ट अध्यनरत विद्यार्थी

ल्याब असिस्टेन्ट अध्यनरत विद्यार्थी

दोलखा । प्राविधिक विषयमा छात्राको आकर्षण बढ्दै गएको छ । दोलखामा प्राविधिक शिक्षा पढाउँदै आएका क्याम्पसको तथ्याङ्कले यस क्षेत्रमा महिालाको आकर्षण बढ्दै गएको देखाएको छ ।

महिलाका लागि छुट्टयाइएको परम्परागत विषय स्टाफ नर्स, अनमी थिए, तर निर्माण, इलेक्ट्रिक, भेट्नरी, कृषि विज्ञान जस्ता विषयमा समेत छात्रा उल्लेख्य मात्रामा हुने गरेको दोलखा बहुउदेश्यीय तालिम संस्थाका प्रार्चाय नरबहादुर श्रेष्ठ बताउँछन् । रोजगारीको अवसर, आफ्नै व्यवसाय सञ्चालनमा सहजता जस्ता कारणले प्राविधिक शिक्षामा महिलाको आकर्षण बढेको प्रार्चाय श्रेष्ठको अनुमान छ ।

जिरीमा रहेको प्राविधिक शिक्षालय, चरिकोटको दोलखा बहुउदेश्यी तालिम संस्था, आईसल्याण्ड मल्टि एकेडमी र सामुदायिक अस्पताल तथा सर्वमावि जिलुमा प्राविधिक विषयमा पढाई हुने गरेको छ । प्राविधिक शिक्षालय जिरीमा स्वास्थ्य तर्फ अनमी र स्टाफ नर्स बाहेक निर्माणमा सव ओभरसीयर, कृषिमा जेटिएको अध्ययन हुने गरेको छ भने दोलखा बहुउदेश्यीय तालिम संस्थामा स्वास्थ्यमा अनमी र सिएमए, निर्माणमा सव ओभरसियर, इलेक्ट्रिक र कृषिमा भेट्नरीको अध्ययन हुने गरेको छ ।

2-2

त्यसैगरी आईसल्याण्ड मल्टि एकेडमीमा सर्भे इन्जिनियरीङमा अमिन र सिभिल इन्जिनियरिङमा सव ओभरसियरको अध्ययन हुने गरेको छ भने सर्वमावि जिलुमा कृषि तर्फ विद्यालयस्तरमा बाली विज्ञान र तीन वर्षे स्नातकमा जेटीए विषयमा अध्ययन हुने गरेको छ ।

आईसल्याण्ड मल्टि एकेडमी चरिकोटका संस्थापक रेशमराजश्वराज रिमाल पछिल्ला वर्षमा हरेक प्राविधिक विषयमा महिलाको सहभागिता उल्लेख्य हुने गरेको बताउँछन् । प्राविधिक विषयको अध्ययन गर्नेले रोजगारीको अवसर पनि चाँडै पाउने र रोजगारी नभएमा पनि आफै व्यवसाय सञ्चालन गर्न सक्ने भएकाले महिला आकर्षण बढेको रिमालको अनुमान छ ।

 कृषि विज्ञान अध्ययनरत विद्यार्थी

कृषि विज्ञान अध्ययनरत विद्यार्थी

विगतमा महिलाले प्राविधिक विषयमा अनमी, स्टाफ नर्स र केहीले अहेवमात्र अध्ययन गर्ने गरेकोमा अहिले निर्माण, कृषिलगायतका विषयमा समेत महिला आकर्षण बढ्नु खुशीको कुरा भएको रिमाल बताउँछन् । महिलाहरू रोजगार हुने र व्यवसायिक समेत बन्ने भएकाले उनीहरू प्राविधिक शिक्षाले उनीहरू आत्मनिर्भर हुन सक्ने रिमालको तर्क छ ।

प्राविधिक विषय मध्ये स्वास्थ्यसँग सम्बन्धित बाहेक महिलाहरू कृषि विषयमा बढी आकर्षित भएको तथ्याङ्कले देखाएको छ । दोलखा बहुउदेश्यी तालिम संस्थामा अनमी र सिएमएपछि कृषि विषय पढ्ने महिलाको संख्या अत्यधिक देखिएको छ । ४० जनाको कोटा भएको कृषि विज्ञान (जेटिए)मा ३५ जना महिला (छात्रा) रहेको प्रिन्सिपल श्रेष्ठले बताए । त्यसैगरी भेट्नरी र निर्माण विषयमा पनि महिला पुरुषकै तुलनामा रहेको श्रेष्ठले बताए । तर इलेक्ट्रिक विषयमा भने महिलाको आकर्षण खासै नदेखिएको श्रेष्ठको भनाई छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: