भूकम्प पीडितलाई दसैंतिहार, हर्ष न विस्मात


प्रकाशित मिति :2016-10-21 15:06:29

सर्मिला बुढाथोकी

भूकम्पले क्षतिग्रस्त दोलखा बजारको घर

भूकम्पले क्षतिग्रस्त  घर

दोलखा । दसैंतिहार रमाईलो पारिवारीक भेटघाट गरी सुख, दुखः साटासाट गर्ने, मिठो मसिनो खाने र आनन्द लिने महान चाड हुन्, तर विनासकारी भूकम्पले घर भत्काईदिएपछि अस्थायी टहरामा गुजारा गर्दे आएका दोलखाका अधिकांश महिलाले दसैं हर्षसाथ मनाउन सकेनन् । तिहार पनि यस्तै हुने निश्चित छ ।

दसैंमा परेको झरी र चुहिने कटेरोको बासले भीमेश्वर नगरपालिका राम्पाकी विमला थामीको घरमा नछरिकनै जमरा नछरिकनै बोरामै अन्न उम्रियो । विनाशकारी भूकम्पले घर भत्किएपछि विमलाको परिवार बस्ने सानो टहरामा अन्न राख्ने ठाउँ नहुँदा पानी चुहिएर बोरामै उम्रिएको विमला बताउँछिन् । भन्छिन्– ‘पानी परेपछि कटेरोमा ठाडो खोला पस्छ, ओढ्ने ओछ्याउने सबै भिज्छ, एक तिर टाल्यो अर्कौ तिर पानी चुहिन्छ ।’ सरकारले पुर्ननिर्माणको लागि दिने भनेको रकमको प्रतिक्षामा रहेकी विमलाको यसपालीको दसैं घर हुँदाको जस्तो रमाईलो भएन । दसैंमा परेको झरीले हरेक वर्ष रमाईलो गरी मनाईने यो र अघिल्लो वर्षको दसैं नै खल्लो भएको उनले बताईन् ।

सुष्पाक्षमावती गाविसका भूकम्प पीडितको अस्थाई आवास

सुष्पाक्षमावती गाविसका भूकम्प पीडितको अस्थाई आवास

पवटी गाविसकी लक्ष्मी न्यौपानेले पनि दसैं र तिहारले उत्साह नथपेको बताउँछिन् । भूकम्पले घर भत्काएपछि बाख्रा बस्तु, मान्छे, सरसामान एकै ठाउँमा अटाउनु परेको बताउने लक्ष्मी भन्छिन्– ‘झन् दसैंका बेला परेको झरीले कटेरोमा भल पसेपछि विजोगै भयो ।’

भवन निर्माणको लागि सरकारले दिएको अनुदान रकम लिईसकेकी लक्ष्मी आउँदो दसैंमा घर बनाएर व्यवस्थित तरिकाले मनाउने अपेक्षा सहित यसपालिको दसैंलाई बिदा गरेको बताउँछिन् ।

क्षमावती गाविसकी लक्ष्मी थामीलाई पनि दसैं आएको गएको पत्तै भएन । न बस्ने बास राम्रो, न खाने गाँसनै भने जस्तो भयो, उनी भन्छिन्–‘न पकाउने, न खाने सामान, गाईबाख्रा, मान्छे सबै एकै ठाउँमा, त्यसमाथि हिले दसैं अब बाचिँयो भने अर्को साल राम्ररी मनाउँला ।’
दोलखा जिल्लामा भूकम्प प्रभावित ५१ हजार ९ सय ३४ घरले अनुदान रकम पाउने विवरण जिल्लामा प्राप्त भएकोमा ४५ हजार ७ सय ७१ घरले अनुदान सम्झौता गरी सकेको र ४४ हजार ४ सय ९० घरको लागि घर धनीको खातामा पैसा गई सकेको पुर्ननिर्माण आयोजनाको जिल्ला आयोजना कार्यान्वयन इकाईका टिका जोशीले जानकारी दिए ।

अस्थाई आवासमा बाख्राको पाठी स्याहार्दै जफेकी एक बृद्धा ।

अस्थाई आवासमा बाख्राको पाठी स्याहार्दै जफेकी एक बृद्धा ।

खातामा पैसा गएका मध्ये झण्डै २७ हजार घर धनीले पैसा लगेको र त्यसमा केही परिवारले घर निर्माण गरी दोस्रो किस्ता लिने प्रकृयाबारे चासो जनाएको जोशीले बताए । जिल्लामा कति भूकम्प प्रभावित परिवारले घर बनाउन थाले भन्ने तथ्याङ्क सरोकारवाला कार्यालयसँग नभएपनि बिभिन्न गाविसमा केहीले मापदण्ड पुरा नगरी र केहीले अनुदानको पहिलो किस्ता लिएर मापदण्ड अनुसार घर बनाउन थालेको स्थानियले बताएका छन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: