हानिकारक चलनले बालिका र किशोरी प्रभावित


प्रकाशित मिति :2016-10-21 16:18:54

महिला खबर
2

काठमाडौं । समाजमा सदियौंदेखि चलिआएका हानिकारक प्रचलनले बालिका र किशोरीहरू प्रभावित भएको महिला, बालबालिका तथा समाज कल्याण मन्त्रालयका सचिव बिष्णुप्रसाद लम्सालले बताउनुभएको छ ।

अन्तर्राष्ट्रिय बालिका दिवसका अवसरमा मन्त्रालयले शुक्रवार आयोजना गरेको एक कार्यक्रममा बोल्दै सचिव लम्सालले बालिका र किशोरीका विशेष आवश्यकतालाई सम्बोधन गर्न सरकार प्रतिवद्ध भएको बताउनुभयो ।

समाजमा जरा गाडेर वसेको बालविवाहले कयौं बालिका थप हिंसाको चक्रमा परेका कारण उनीहरूको जीवन नै अन्धकारमय भएको उहाँको भनाइ थियो । सचिव लम्सालले भन्नुभयो ‘कानुनले २० वर्ष पुरा गरेपछिमात्र विवाह गर्न पाउने भनेको छ, तर अझै २९ प्रतिशत विवाह १८ वर्ष नपुग्दै हुने गरेको र यसलाई समाजले सजिलै स्वीकार गरेको कारण कानुनी कारवाहीमा कमजोरी देखिएको छ ।’

किशोरकिशोरीसँग सम्बन्धित मुद्दाहरू सम्बोधन गर्न संवैधानिक, नीतिगत, कानूनी र संरचनागत आधारहरू तयार भईसकेको दावी उहाँले गर्नुभयो । किशोर किशोरी सम्वन्धि राष्ट्रिय कार्ययोजना कार्यान्वयन भईरहेको र सन् २०३० सम्म बालविवाह अन्त्य गर्ने लक्ष्य सहित यसको अन्त्यका लागि राष्ट्रिय रणनीति कार्यान्वयनको पहल भईरहेको उहाँले जानकारी दिनुभयो ।

बिभिन्न दातृनिकायको सहयोगमा भएको उक्त कार्यक्रममा किशोरावस्थाको चित्रण सहितको कला प्रदर्शनी, बाल विवाहको अन्त्य र बालिका तथा किशोरी सशक्तिकरणको विषयमा नृत्य, गायन,कवितावाचन, हाजिरीजवाफ लगायतका गतिविधि हुनेछन् ।

हरेक वर्ष अक्टोबर ११ तारिखका दिन अन्तर्राष्ट्रिय बालिका दिवस विश्वभर विविध कार्यक्रम गरी मनाइन्छ, तर यो वर्ष नेपालमा उक्त दिन विजया दशमी परेको हुँदा आज यो दिवस मनाइएको हो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: