थारु महिलाले पाए स्वर्णिम पुरस्कार


प्रकाशित मिति :2016-10-23 16:03:27

महिला खबर

पुरस्कार थाप्दै थारु महिला

पुरस्कार थाप्दै थारु महिला

बुटवल । रुपन्देहीको सैनामैना कुश्मागाउँका थारु महिलाले राष्ट्रिय स्वर्णिम प्रतिभा पुरस्कार पाएका छन् । समूह बनाएर विभिन्न उद्यमशील काममा लागेका महिलाले ७० हजार रुपैयाँको स्वर्णिम प्रतिभा पुरस्कार प्राप्त गरेका हुन् । पश्चिमाञ्चलका सबै समूहलाई जित्दै यी महिलाले पुरस्कार जितेका हुन् ।

साझेदारीमा सञ्चालित लघु उद्यम गर्ने र महिला सशक्तिकरणमा उत्कृष्ट काम गरेकाले उनीहरू पुरस्कृत भएको हेफर ईन्टरनेशनल नेपालका कार्यक्रम अधिकृत अनन्त सिलवालले बताए ।

उनीहरूलाई कृषि राज्यमन्त्री राधिका तामाङ र हेफर ईन्टरनेश्नलका कार्यकारी निदेशक डा.तीर्थ रेग्मीले पुरस्कार हस्तान्तरण गरे ।

६ वर्षअघि जयदुर्गा महिला समूह गठन गरेर उनीहरूल सामूहिक उद्यम गर्दै आएका थिए । समूहमा आवद्ध २९ महिलामध्ये २८ जना थारु र एक जना मधेसी सदस्य छन् ।

निम्न वर्गका यी महिलाले सामूहिक च्याउ खेती गर्ने, प्रांगारिक मल बनाउने, व्यावसायिक तरकारी खेती र घाँस खेती गरी आफ्नो जीवनस्तरमा उल्लेख्य सुधार ल्याएका छन् । समूहकी अध्यक्ष शारदा शर्मा चौधरीले सामूहिक रुपमा काम गरेकाले सफलता हात लागेको प्रतिक्रिया दिइन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: