ढाका बुनेर आत्मनिर्भर बन्दै महिला


प्रकाशित मिति :2016-10-24 14:19:41

विदुर आचार्य
फटकसीला (सिन्धुपाल्चोक) । फटकसीलकी शान्ति तामाङ ढाका वुन्छिन् । भूकम्पले घर सँगै जीविकोपार्जनको आधार पनि भत्केपछि उनी ढाका बुन्ने व्यवसायमा लागेकी हुन् । अहिले शान्तिको आम्दामी राम्रो छ ।

शान्ति जस्तै निर्मला मिजार पनि जीविकोपार्जनको आधार खोज्दै थिईन् ढाका व्यवसायमा । सीप छैन, पढाई छैन भनेर निराश जीवन विताईरहेका शान्ति र निर्मला जस्तै फटकसीलाका ११ महिला अहिले ढाका व्यवसायबाट राम्रो आम्दानी गरिरहेका छन् ।

dhaka

जिल्ला लघु उद्यमी संघको समन्वयमा लालीगुराँस सहकारी संस्था स्थापना गरी संस्थागत रुपमा फटकसीलाका महिलाले व्यवसाय सुरु गरेका हुन् । उनीहरू जीविकोपार्जनमात्र होईन आत्मनिर्भर वन्न समेत सफल भएका छन् ।

सीघ्र उद्यम पुनरोत्थान कार्यक्रमले फटकसीलामा ढाका व्यवसायका लागि भवन निर्माण गरिदिएको छ । भवन भित्र राखिएका आधा दर्जन भन्दा वढी तानमा उद्यमी महिला ढाका बुन्न व्यस्त छन् ।

‘सीप छैन, पढाई पनि छैन, गरि खाने मेसो नै थिएन,’ निर्मला भन्छिन्, ‘अव गाँउमै निर्वाहको वाटो सजिलो भएको छ ।’ सीप र भवन भएपछि अव व्यवहार चलाउने समस्या अन्त्य भएको उनले सुनाईन् ।

पुनरोत्थान परियोजनाले व्यवसायी महिलाको इच्छा अनुरुप ढाका सम्वन्धि सीप विकास तालिम प्रदान गरेको हो । सीपसँगै भवन पनि निर्माण गरिदियो । त्यही भवन भित्र महिलाले आफूले सिकेका सीपको सदुपयोग गरिरहेका छन् । जसवाट एक महिला व्यवसायीले मासिक तीस हजार रुपैयाँसम्म आम्दानी गरिरहेका छन् ।

उनीहरूले ढाकाका टोपी, पछ्यौरा, कमीज, चोलोलगायत तयार गर्छन् । फटकसीलालाई ढाकाको पकेट क्षेत्रको रुपमा विकास गर्ने आफ्नो योजना रहेको व्यवसायी महिलाले सुनाए । ‘ढाकाका सामग्री चाहिएमा फटकसीलालाई सम्झिन सकुन्,’ उद्यम समूहकी सदस्य एवम् प्रशिक्षक सिर्जना घोरासैनीले भनिन् ।

घरेलु तथा साना उद्योग विकास समिति, लघु उद्योग विकास कार्यक्रम, जिल्ला लघु उद्यमी संघले ढाका उद्योग फटकसीलालाई प्रोत्साहन गर्ने जनाएको छ । ‘व्यवसायलाई प्रभावकारी रुपमा सञ्चालन गरेमा हामी सहयोग गर्ने छौ’ घरेलु तथा साना उद्योग समितिको कार्यालयकी प्रमुख कल्पना शर्माले भनिन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: