शान्तिका लागि महिला पुरुष दुवैको भूमिका समान


प्रकाशित मिति :2016-10-28 17:13:41

महिला खबर
पोखरा। शान्ति र विकासकालागि महिला पुरुष दुवैको समान भूमिका र दायित्व हुने एक कार्यक्रमका सहभागीले बताएका छन्। संचाारिका समूह पश्चिमाञ्चलको आयोजना तथा युएनडीपीको सहयोगमा संचालित लै‌ंगिक हिंसा न्यूनिकरणकालागि समुदाय र सरोकारवालाका बीच अन्तरसंवाद कार्यक्रमका सहभागीले सो कुरा बताएका हुन्।

कार्यक्रममा महिला तथा बालबालिका कार्यालका प्रमुख लक्ष्मी जि.सीले महिला अधिकारको विषय सतही देखिएको भन्दै सामाजिक न्यायकालागि महिला आफ्नो अधिकार र कर्तव्यप्रतिस्वयं सचेत हुनुपर्ने बताउनुभयो। महिलाले भोगेको जीवन बाहिरबाट देखेजस्तो सहज छैन भन्दै उहाँले सामाजिक मुल्यमान्यता अँगाल्ने नाउँमा महिलाले धेरै हिंसा सहेर बस्न बाध्य भएको बताउनुभयो।

जिल्ला प्रहरी कार्यालय कास्कीका महिला तथा बालबालिका सेल प्रमुख चन्द्रा गुरुङले समाज जति जति आधुनिक हुँदै गयो उत्तिनै महिलाकालागि असुरक्षित भएको भन्दै चिन्ता व्यक्त गर्नुभयो। विभिन्न सामाजिक संजालको दुरुपयोग मार्फत पनि महिलामाथि हिंसा हुने गरेको अवस्था उहाँले औंल्याउनु भएको थियो।

पत्रकार महासंघ कास्कीका अध्यक्ष रामकृष्ण ज्ञवालीलले समुन्नत समाजको लागि महिला पुरुष दुवैको सहअस्तित्व आवश्यक रहेको बताउनुभयो। पत्रकार महासंघका केन्द्रिय सदस्य सुस्मा पौडेलले कानुनले मात्र महिला अधिकार स्थापित नहुने भन्दै महिला प्रति सकारात्मक दृष्टिकोणको खाँचो रहेको बताउनुभयो।

विभिन्न क्षेत्रका ४० जना अधिकारकर्मीको सहभागिता रहेको सो कार्यक्रममा लैंगिक समानताका पक्षमा बिभिन्न प्रस्तुतिकरण गरिएको थियो। कार्यक्रममा, लैंगिकतामा आधारित हिंसाका विषयमा संचारिका समूह पश्चिमाञ्चलका अध्यक्ष एवं एन पिस लिडर जमुना वर्षा शर्मा, हिंसा न्यूनिकरणमा संचारको भूमिकाका विषयमा संचारकर्मी एवं एन पिस लिडर सरस्वती गुरुङ, संयुक्त राष्टसंघको सुरक्षा परिषद्बाट पारित प्र.नं. १३२५ र १८२० सम्बन्धि परिचयमा दलित महिला संघका केन्द्रिय उपाध्यक्ष एवं एन पिस लिडर चमेली खाँती र लैंगिक समानताका लागि संवैधानिक व्यवस्थाका बारेमा अधिवक्ता एवं एन पिस लिडर गीता आचार्यले सहजीकरण गर्नु भएको थियो। प्रस्तुत विषयमा सहभागी अधिकारकर्मी एवं संचारकर्मीले लैंगिक समानताका लागि सबै महिला एकजुट हुनु पर्ने बताएका थिए।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: