बृद्धभत्ता बुझेर तिहार मनाउने योजना


प्रकाशित मिति :2016-10-31 10:00:38

सर्मिला बुढाथोकी

14798814_10208943123150055_1275454024_n
दोलखा । दोलखा भीमेश्वर नगरपालिकाकी ९३ वर्षीया जानुका पाण्डेलाई विहान १० बज्नुअघि नै चरिकोटस्थित कृषि विकास बैङ्को गेटमा भेटियो । जीवनको अन्ततिर एक्लो जीवन विताईरहेकी पाण्डेको गुजारा सरकारले दिएको बृद्ध भत्ताबाट भै रहेको छ ।

‘जीवनको यो क्षणमा न सहारा छन्, न आम्दानीका कुनै श्रोत नै त्यसैले सरकारले दिएको भत्ता मेरा लागि सहारा र सबैकुरा भएको छ’ पाण्डेले भनिन् । बृद्धा पाण्डेलाई पैसा लिन सदरमुकामको बैङ्कसम्म आईपुग्न भने निक्कै समस्या हुने गरेको रहेछ । बृद्धा भत्ता दिएर सरकारले हामीजस्तो सहाराविहिन बृद्धबृद्धालाई बाँच्ने आघार त दिएको छ, तर पैसा लिन सहज नभएकोले समस्या हुन्छ, पाण्डेले गुनासो गरिन् ।

सरकारले यस्तो पैसा घरमै दिने व्यवस्था गरिनुपर्ने उनको राय छ । बृद्धा भत्ता बापतको चौमासीक ८ हजार रुपैयाँ बुझेकी पाण्डेले तिहार खर्च टर्ने बताइन् ।

बृद्धभक्ता लिन बैङ्कमा पुगेका बृद्धबृद्धा

बृद्धभक्ता लिन बैङ्कमा पुगेका बृद्धबृद्धा

भीमेश्वर नगरपालिका कै ९३ वर्षीया मोदा शाही दसैंका बेला बृद्ध भत्ता नपाए पनि तिहार भने राम्रैसँग मनाउन सकिने अश रहेको बताइन् । दसैंमा बृद्धभत्ता नपाएपछि टिका थाप्न आउनेलाई पैसा दिन नसकेको उनको गुनासो छ । उनले पनि बृद्धबृद्धालाई ताेिकएको समयमा घरमै भत्ता दिने व्यवस्था गरे राम्रो हुने बताउँछिन् ।

चरिकोटस्थित कृषि विकास बैङ्कमा खुशी र उत्साहसँगै पुगेका भीमेश्वर नगरपालिका की ७२ वर्षीया सुमिला श्रेष्ठ सरकारले चौमासीक रुपमा उपलब्ध गराउदै आएको सामाजिक सुरक्षा भत्ताबाट तिहार खुशीसँग मनाउने योजना सुनाइन् । ‘दसैंको बेला आउनु पर्ने भत्ता ढिला गरी आयो त्यसैले अव तिहार भने रमाईलो गरी मनाउने सोचमा छ’ सुमिलाले भनिन् । बृद्ध भत्ता लिन अलि सहज गरेर घरमै दिने व्यवस्था भए सरकारलाई बुढाबुढीको आर्शिवाद लाग्ने उनले बताइन् ।

दोलखा भीमेश्वर नगरपालिकामा जेष्ठ नागरिक १ हजार २५ जना, एकल महिला ५ सय २० जना र जेष्ठ नागरिक दलित १ सय १३ जना रहेका छन् । उनीहरू सबैको अपेक्षा बृद्ध भत्ता सजिलो गरी पाउनुपर्ने बताउँछन् । भीमेश्वर नगरपालिकाका अधिकृत माधव सुवेदीले बृद्धबृद्धालाई सहज ढङ्गले रकम उपलब्ध गराउनु पर्ने भएपनि बिभिन्न समस्याको कारण त्यो सम्भव नभएपछि कृषि विकास बैङ्क मार्फत रकम उपलब्ध गराउन लागेको बताए । पाँच वर्षअघिदेखि भीमेश्वर नगरपालिकामा नमुनाको रुपमा सामाजिक सुरक्षा भत्ता बैङ्क मार्फत दिन लागिएको र अहिलेसम्म खासै समस्या नदेखिएको सुवेदीको दावी छ । बैङ्कबाट रकम दिने व्यवस्था गर्दा बृद्ध बृद्धालाई रकम लिन आउन केही समस्या भएको तर अन्य कुरामा भने झमेला नभएको सुवेदीले बताए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: