बाख्रा बेचेर छोरालाई इन्जिनियर बनाउने उमा


प्रकाशित मिति :2016-11-04 18:45:19

सर्मिला बुढाथोकी

आफूले पालेक बाख्रासँग उमा

आफूले पालेक बाख्रासँग उमा

दोलखा । पैसा कमाउनकै लागि अहिले धेरै महिला जोखिमपूर्ण काम गर्न विदेश गएका छन् । तर मेहेनत गर्ने हो भने आफ्नै गाँउ घरमा प्रशस्त पैसा कमाउन सकिने उदाहरण बनेकी छन् दोलखा भीरकोट गाविसकी उमा काफ्ले ।

महिला तथा बालबालिका कार्यालय दोलखाले अनुदान सहयोग गरेको ३५ सय रुपैयाँबाट २०७० सालदेखि बाख्रा पालन सुरु गरेकी भीरकोट गाविस वडा नम्बर डाँडागाउँकी उमा काफ्लेले अहिले बार्षिक तीन लाख रुपैयाँसम्म कमाई गर्न थालेकी छन् ।

२०७० सालमा महिला तथा बालकालिका कार्यालयबाट बाख्रा पालन सम्बन्धि तालिम लिएर कार्यालयले नै अनुदानमा दिएको ३५ सय रुपैयाँले एउटा बाख्रा किनेर व्यवसाय सुरु गरेको उमाले बताईन ।

अहिले उनीसँग १५ वटा बाख्रा र ३ वटा खसी छन् । उमाले बाख्रा पालन ब्यवसायको आम्दानीबाटै आफुले छोरालाई इन्जिनियर बनाएको बताईन् ।

‘अहिले म बाख्रा बेचेरै मासिक २५ हजार रुपैयाँसम्म कमाई गर्छु, त्यही कमाईले काठमाडौँमा बसेका छोरा छोरीलाई खर्च समेत पठाउने गरेको छु’ उमाले भनिन् ।

मेहेनत ग¥यो भने पारिवारिक गुजाराका लागि गाँउ घरमै बसेर पनि पर्याप्त कमाई हुने उमाको भनाई छ । ‘महिलाहरू पैसाकै लागि जोखिम मोलेर विदेश जानै पर्दैन, जस्तो अनपढ विदेश जाँदा मुश्किलले ३०÷४० हजार कमाई हुने हो, मेहेनत गर्ने हो भने त्यति त गाँउमै परिवारसँग बसेरै कमाई गर्न सकिन्छ नी’ उमाले भनिन्

बाख्रा पालन व्यवसायबाट छोरालाई इन्जिनियर बनाएकाले बुढेसकालमा छोराको कमाईले राम्रो गुजारा हुने आपेक्षा उमाको छ । आफूले सकुन्जेल गाउँ घरमै बसेर पनि सकेको व्यवसाय गर्नुपर्ने र बालबच्चालाई राम्रो शिक्षा दिक्षा दिनुपर्ने उमाको भनाइ छ ।

महिला तथा बालबालिका कार्यालयले बाख्रा पालन सम्बन्धि तालिम दिएर अनुदान रकम समेत उपलब्ध गराएपछि त्यसलाई सदुपयोग गर्दै आफू सफल कृषक बनेको बताउने उमा सबैले सिकेको सिपलाई उपयोग गर्नुपर्ने बताउँछिन् ।

महिला तथा बालबालिका कार्यालय दोलखाको प्रमुख लक्ष्मी ढकाल दोलखाको भीरकोट गाविसको दुईवटा वडामा गरिबीविरुद्ध महिला अभियान अन्र्तगत महिला समूहमा आवद्धलाई बाख्रा पालन सम्बन्धि तालिम दिएर ३५ हजार अनुदान सहयोग गरेको र त्यसबाट धेरै महिला व्यवसायी बनेको बताउछिन् । कार्यक्रमलाई अहिले गाविसको ७ वटा वडामा विस्तार गरेको र कार्यक्रमले सकारात्मक प्रभाव पारेको ढकालको भनाई छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: