अमेरिकामा ईतिहास बनाउने अवसर


महिला अबको राष्ट्रपती ?

प्रकाशित मिति :2016-11-08 16:51:17

महिला खबर

us-election

एजेन्सी। अमेरिकी राष्ट्रपतीय निर्वाचनमा करिब २० करोड मतदाता सहभागी हुने भएपनि चार करोडभन्दा बढीले मंगलबारअघि नै ‘अर्ली भोटिङ’ सुविधाअनुसार मतदान गरिसकेका छन् । नेपाली समय अनुसार आज राती हुने अमेरिकी राष्ट्रपतिको निर्वाचन  ४५ अौं राष्ट्रपतीय निर्वाचन हो । तर अमेरिकाको इतिहासमा अहिलेसम्म महिला राष्ट्रपती हुनसकेका छैनन्।

निर्वाचनको  अहिलेसम्मको अवस्थामा उम्मेदवार हिलारी क्लिण्टनले महिला मतदाताकाे  धेरै समर्थन पाउँदै आएकी छन्।  त्यस्ता समस्याहरू जसले महिलाको जिवनलाई अप्ठेरोमा पार्दछ त्यो महिलाकोमात्र समस्या नभएर सिङ्गो परिवारको समस्या हो, आर्थिक समस्या हो र जसले भविष्यमा हुने प्रतिस्पर्धामा समेत असर पार्दछ भन्ने भनाइले   क्लिण्टनले अधिका‌‌श  महिला मतदाताको मन जितेकी छन् । हिलारीले समाज ज्याला, न्यूनतम परिश्रम,  गर्भपतन, पारिवारीक विदा, बच्चाको संरक्षणका लागि आवाज उठाउँदै आइरहेकी छन्। आजको निर्वाचनमा यदि हिलारीले जितिन भने उनी सबैभन्दा शक्तिशाली राष्ट्रको पहिलो महिला राष्ट्रपति हुने छिन्।

 सन् १८४५ मा सुरु भएको प्रचलनअनुसार नोभेम्बर महिनाको पहिलो मंगलबार अमेरिकी राष्ट्रपतिको निर्वाचन हुने गर्दछ । निर्वाचनको दिन आज थप आठ करोडले मतदान गर्ने आशा गरिएको छ । दुई ठूला पार्टीअन्तर्गत डेमोक्रेटिक पार्टीका तर्फबाट पूर्वविदेशमन्त्री ६९ वर्षीया हिलारी रोधाम क्लिन्टन र रिपब्लिकन पार्टीका उम्मेदवार ‘रियलस्टेट बिलिनियर’ ७० वर्षीय डोनाल्ड जोन ट्रम्पबीच राष्ट्रपतिका लागि निकै कडा प्रतिस्पर्धा हुने संकेत विभिन्न मत सर्वेक्षणले देखाएका छन् ।

सीएनएनको सर्वेक्षण अनुसार क्लिन्टनका पक्षमा अहिलेसम्म २६८ इलेक्टोरल मत स्पष्टै देखिएको उल्लेख छ भने २०२ मत ट्रम्पका पक्षमा देखाएको छ । ६८ मतको भने अझै निर्णय भइनसकेको सीएनएनले उल्लेख गरेको छ । राष्ट्रपतिमा निर्वाचित हुन २७० इलेक्टोरल मत चाहिन्छ ।

विदेशमन्त्रीको कार्यकालमा क्लिन्टनको इमेल प्रकरणका कारण पारदर्शितामाथि ट्रम्पले क्लिन्टनलाई निसाना बनाउँदै आएका थिए भने महिलामाथिको याैन दुर्व्वहारलगायत मुस्लिम, अल्पसंख्यकमाथिका विवादास्पद टिप्पणी र कर विवरण सार्वजनिक नगरेको गम्भीर आरोप ट्रम्पमाथि लगाईदै आएको छ । आइतबार एफबीआईले क्लिन्टनका पछिल्ला इमेल विवादास्पद नभएको भनेर ‘क्लिन चिट’ दिएपछि क्लिन्टनको अभियानमा सकारात्मक प्रभाव परेको विश्लेषकहरूले अनुमान गरेका छन् ।

दुवै उम्मेदवार निर्वाचनको साँझ न्युयोर्कको टाइम्स स्क्वायरमा देखा पर्नेछन् र विजय हुनेले त्यहाँ विजय भाषण गर्नेछन् र अर्काले पराजय भाषण । ‘क्लिन्टन र ट्रम्पको सम्बोधनका लागि टाइम्स स्क्वायर केही दिनअघिदेखि नै झकिझकाउ पारिएको छ । संसारका सबै प्रमुख सञ्चारगृहले यहाँबाट प्रत्यक्ष प्रसारण गर्न स्टुडियो बनाएका छन् । यसै चम्किलो देखिने टाइम्स स्क्वायर निर्वाचन परिणामपछिको सम्बोधन तयारीसँगै क्लिन्टन र ट्रम्पका ठूल्ठूला तस्बिर र टीभीका खुला स्टुडियोले झनै आकर्षक बनाइएको छ ।

एजेन्सीहरूको सहयोगमा

    Comment Here!

Related NEWS
मुख्य खबर

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

Read more
© 2015.All rights reserved by mahilakhabar.com
%d bloggers like this: