बैतडीमा प्रसूति सेवा केन्द्र विस्तार


प्रकाशित मिति :2016-11-10 16:25:54

महिला खबर

बैतडी ।  दशरथचन्द नगरपालिका  थालिगाडामा सुरक्षित प्रसूति सेवा केन्द्र  सुरु भएको छ ।  यो केन्द्र सुरु भएपछि  बैतडीमा सुरक्षित प्रसूति सेवा केन्द्रको सङ्ख्या एक सय २१ पुगेको छ ।

दशरथचन्द नगरपालिका–६, ७ र २ का केही बस्तीलाई लक्षित गरी बुधबारदेखि थालिगाडामा सुरक्षित प्रसूति सेवा केन्द्र सञ्चालनमा ल्याइएको थालिगाडा स्वास्थ्यचौकीका इन्चार्ज नरेन्द्र पन्तले जानकारी दिनुभयो । सुरक्षित प्रसूति सेवा केन्द्र सञ्चालनका लागि कालिका मावि थालिगाडाले भवन उपलब्ध गराएको छ ।

गर्भवती महिलाले स्वास्थ्य संस्थामै गएर सुरक्षित रुपमा बच्चा जन्माउन सकून भन्ने उद्देश्यले सुरक्षित प्रसूति सेवा केन्द्र सञ्चालनमा ल्याइएको जिल्ला स्वास्थ्य कार्यालय बैतडीका प्रमुख डा गुणराज अवस्थीले बताउनुभयो ।

जिल्लालाई आगामी  असार मसान्तभित्र पूर्ण संस्थागत सुत्केरी जिल्ला घोषणा गर्न सुरक्षित प्रसूति सेवा केन्द्रको सङ्ख्या विस्तार गरिएको उहाँले बताउनुभयो । स्वास्थ्य संस्था टाढा हुनाले पनि कतिपयले सेवा लिन नसक्ने भएकाले सेवाग्राहीलाई नजिकै सुरक्षित प्रसूति सेवा दिन एक गाविसमा कम्तीमा दुई ठाउँबाट सुरक्षित प्रसूति सेवा दिइएको डा अवस्थीले बताउनुभयो ।

सुरक्षित प्रसूति सेवा केन्द्र उद्घाटन कार्यक्रममा बैतडी क्षेत्र नम्बर २ का सांसद नरबहादुर चन्दले  स्वास्थ्य क्षेत्रको विकासका लागि आफूले पहल गर्ने बताउनुभयो  ।  सांसद चन्दले सुरक्षित प्रसूति सेवा केन्द्रका लागि आवश्यक उपकरण खरिदमा आफूले सहयोग गर्ने बताउनुभएको हो ।

 

 

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: