ललितपुरमा एक शिक्षकद्वारा आठजना बालिकामाथि यौन दुर्व्यवहार गरेको खुलासा


प्रकाशित मिति :2016-11-14 12:56:31

महिला खबर
ललितपुर। लगनखेल नजिकैको प्रयाग पोखरीमा रहेको नेशनल चिल्ड्रेन स्कुलका एक शिक्षक*ले पाँच कक्षा पढ्ने आठ जना बालिकालाई एकवर्षदेखि यौन दुर्व्यवहार गर्दै आएको खुलेको छ।  ललितपुर उपमहानगरपालिका वडा नम्बर छ मा रहेको उक्त स्कुल पढ्ने बालिकाहरूले आफूलाई पढाउने शिक्षकले यौन दुर्व्यवहार गर्ने गरेको बताएपछि अभिभावकहरूले ती शिक्षकलाई कडा कार्वाहीको माग गरेका छन्।

शिक्षक दिवाकर श्रेष्ठले पाँच कक्षा पढ्ने ८ जना बालिकालाई एकवर्षदेखि चक्लेट दिएर, मम खुवाएर फकाइ यौन दुर्व्यवहार गर्दै आएको थाहा पाएपछि अहिले पीडित बालिकाका अभिभावकले शिक्षकलाई कार्वाही गर्न स्कुलका प्राधानान्यापक राजेन्द्र श्रेष्ठसँग माग गरेको छन्।
एकजना अभिभावकका अनुसार प्रहरी स्कुलमा आइसकेको र पीडकले आफ्नो कर्म स्वीकार गरिसकेका छन् ।

ती शिक्षकले कहिले कक्षा कोठा मै त कहिले गल्लीमा लगेर मम खुवाइ बालिकाको संवेदनशील अंगमा सुम्सुम्याउने गरेको बालिकाहरूले बताएपछि पीडितका अभिभावक सबै स्कुलमा आइ ती शिक्षकलाई कार्वाही गर्न माग गरेको एकजना अभिभावकले बताउनुभयो। उहाँले भन्नुभयो ‘शनिवार स्कुलको खेलकुद प्रतियोगिता थियो, ती शिक्षकले फेरी यौन दुर्व्यवहार गरेछन्, बालिकाहरू रुँदै घर आएपछि सोध्दा बल्ल घटनाका बारेमा भने।’

आफैले सोध्दा नभनेपछि दिदीहरूलाई उनीहरूले एकवर्षदेखि त्यस्तो व्यवहार गरेको बताएका थिए। उहाँले भन्नुभो ‘छोरी स्कुल जान मान्दैनथी, हामीले फकाएर पठाउने गरेका थियौं, यस्तो कारणले जान नमानेको कुरा हामीले सोच्दै सोचेनौं।’ ती बालिका सवै नौदेखि दश वर्ष उमेर समूहका छन्। पीडित बालिकाका अभिभावकले दुर्व्यवहार गर्ने शिक्षकलाई कडा भन्दा कडा कार्वाही गर्न माग गर्दै प्रहरीलाई निवेदन दिने तयारी गरिरहेको बताए ।

*लेखापाल

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: