चरिकोटमै उत्कृष्ट प्रसूति सेवा


प्रकाशित मिति :2016-11-15 12:30:03

सर्मिला बुढाथोकी

15049649_10209117095899265_1173148575_n
दोलखा । भिमेश्वर नगरपालिकाकी दुर्गा न्यौपाने सुत्केरी हुन डाक्टरले दिएको समय अव १ महिनामात्र बाँकी छ । समय नजिकिदै गर्दा दोलखा सरदमुकाम चरिकोट स्थित प्रस्तावित चरिकोट अस्पतालमा निःशुल्क प्रसुति सेवा तथा शल्यक्रियाद्वारा बच्चा निकाल्ने सुविधा भएकोले आफुलाई खासै चिन्ता नभएको दुर्गाको भनाई छ ।

दुर्गा भन्छिन्— ‘नियमित चार पटक गर्नुपर्ने गर्भ जाँच गरिसकें, आफैै जन्माउन सके ठिकै छ, शल्यक्रिया नै गर्नुपर्ने भएपनि अब काठमाडौं जानुपर्ने बाध्यता छैन त्यसैले ढुक्क छु ।’ जिल्लाका बिभिन्न स्वास्थ्य संस्थामा सामान्य प्रसूति सेवा उपलब्ध हुँदै आएपनि शल्यक्रियाबाट बच्चा निकाल्ने सेवा भने जिल्ला अस्पताल जिरीमामात्र उपलब्ध थियो, तर अहिले दोलखाको प्रस्तावित चरिकोट अस्पतालले समेत निःशुल्क रुपमा सामान्य प्रसूति तथा शल्यक्रियाबाट बच्चा निकाल्ने सेवा उपलब्ध गराएपछि स्थानीय महिला खुशी भएका छन् ।

०७२ पुसदेखि सञ्चालनमा आएको प्रस्तावित चरिकोट अस्पतालमा असोज महिनासम्म ७ सय ५८ जनाले सुत्केरी सेवा लिईसकेको अस्पतालले जनाएको छ ।

यी मध्ये दश प्रतिशतको भने शल्यक्रियाबाट बच्चा निकालिएको मेडिकल डाईरेक्टर डा विनोद दंगालले जानकारी दिनुभयो । सकेसम्म सामान्य सुत्केरी गराएको र जटिल समस्या आइपरेमात्र शल्यक्रिया गराउने गरेको डाक्टर दंगालको भनाई छ । सेवा लिन अस्पताल पुग्ने सामान्यतया १५ प्रतिशत गर्भवती महिलाको शल्यक्रियाबाट बच्चा निकालिने भएपनि चरिकोट प्रस्तावित अस्पतालमा सेवा लिन आउने गर्भवती महिला मध्ये सरदर १० प्रतिशत महिलाकोमात्र शल्यक्रिबाट बच्चा निकाल्ने गरिएका डा दंगालको भनाइ छ ।

प्रस्तावित चरिकोट अस्पताललाई विशेषगरी ग्रामीण क्षेत्रका विपन्न मानिसले प्रसूति सेवा लिन सक्ने उत्कृष्ठ अस्पताल बनाउन लागिएकाले अस्पतालले सुत्केरी गराउनका लागि ११ जना दक्ष प्रसूतिकर्मी (एसबिए) तालिम प्राप्त स्वास्थ्यकर्मी राखेको अस्पतालले जनाएको छ । अस्पतालमा आउने गर्भवती महिला मध्ये अधिकांशको उपचार चरिकोटमै हुने र केहीलाईमात्र काठमाडौँ रिफर गर्नुपर्ने डा दंगालले बताउनुभयो । पेटमै बच्चा मरेको र धेरै रगतको समस्या पर्ने तथा आईसियुमा राख्नुपर्ने थोरै विरामीलाईमात्र काठमाडौँ रिफर गर्ने गरिएको डा दंगालको भनाई छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: