मेहेनत गरे आफ्नै देशमा धेरै कमाई


प्रकाशित मिति :2016-11-15 15:55:41

सर्मिला बुढाथोकी
दोलखा । नौजना दाजुभाइ दिदीवहिनी र बाबुआमा गरी ११ परिवारमा हुँर्कदै गर्दा खोटाङकी सर्मिला राईले पढाईको महत्व बुझेरै पनि पढ्ने सपना पुरा गर्न सकिनन् । कमजोर आर्थिक अवस्थाकै कारण साथीको लहलहैमा लागेर १६ वर्षको उमेरमै विदेशिएकी सर्मिलाले झण्डै आठ वर्ष घरेलु कामदारका रुपमा विदेशमा काम गरिन् ।

20161111_140533

आठ वर्षको अवधिमा साउदी, ओमन र इराकमा बसेर काम गरेकी सर्मिला अहिले भने नेपालमै आम्दानीको सम्भावना देखेर मख्ख छिन् । सर्मिला भन्छिन्– विदेशमा बगाउने पसिना नेपालमै बगाउन सके पैसाले खाँचो हुँदैन रहेछ । वैदेशिक रोजगारकै शिलशिलामा टेलीफोनमा भेट भएका दोलखाको सुरी गाविसका उद्धव गुरुङ्गसँग वैैवाहिक बन्धनमा बाधिएकी थिईन् । उनको श्रीमान भने अहिले पनि दुवईमा नै कार्यरत छन् ।

केही समयअघि दोलखामा पौरखी नेपाल नामक संस्थाको कुखुरा पालन तथा व्यवस्थापन सम्बन्धि पाँचदिने तालिममा सहभागी भै संस्थाले दिएको आठ ओटा दाना तथा पानी हाल्ने भाँडा लिएर कुखुरा पालन व्यवसाय सुरु गरेकी सर्मिलाले अहिले विदेशमा भन्दा बढी आम्दानी गर्छिन् । ‘विदेशमा हुँदा मासिक १० हजार देखि २५ हजार नेपाली रुपैयाँसम्म कमाई हुन्थ्यो’ सर्मिलाले भनिन् । अहिले विदेशमा रहेका श्रीमान्को र आफ्नो कमाई झण्डै बराबरी भएको उनी बताउँछिन् । कुखुरा पालन, करेसाबारीमा लगाएको तरकारी र खसी बेच्दा मासिक ३० देखि ३५ हजार रुपैयाँसम्म आम्दानी हुने गरेको सर्मिलाको भनाई छ । ‘विदेशको लाखौं कमाई भन्दा आफ्नो परिवारसँग बसेर कमाएको थोरै पैसाबाट आत्मसन्तुष्टि मिल्ने रहेछ’ सर्मिला भन्छिन् । विदेशमा बसेर कमाएको पैसाले उनले केही जग्गा जोडिन् । अहिले त्यसैलाई सदुपयोग गरेर कृषि पेशासँगै कुखुरा पालन व्यवसाय गरेको उनले बताइन् । ‘विदेशमा गर्ने मेहेनत आफ्नै देशमा बसेर गर्ने हो भने परिवारको हेरचाह गर्दै विदेशमा भन्दा बढी कमाई हुन सक्दो रहेछ’ उनी भन्छिन् ।

सर्मिलाले अहिले २ सय कुखुरा पालेकी छन् । ६/७ वटा बाख्रा पनि छन् । दुई जना भाइलाईसँगै राखेर पढाई रहेकी सर्मिला जति मेहेनती छन् त्यतिनै जिम्मेवार पनि । ‘हरेक मानिस बिभिन्न बाध्यताले मजदुरीको लागि विदेश गएका छन् त्यसैले सरकारले नै हरेकलाई व्यावसायिक बनाउन अग्रसर हुनुपर्छ’ – सर्मिलाले भनिन् । हरेक महिलाले विदेशमा दुःख गर्ने सोचाई बनाउनु भन्दा स्वदेशमै सम्भव भएको व्यवसाय गरे आम्दानी पनि हुन्छ र घर परिवारको देखरेख पनि गर्न सकिने उनको सुझाव छ ।
कुखुराको हेरचाह गर्दै सर्मिला, सर्मिलाको कुखुरा फार्म

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: