नेत्रहीन दम्पत्तीले दिए अरुलाई रोजगारी


प्रकाशित मिति :2016-11-18 14:30:35

पार्वती पाण्डे
कपिलवस्तु । कपिलवस्तुका एक नेत्रविहिन दम्पत्तीले व्यवसाय गरी आफूमात्रै आत्मनिर्भर छैनन् अरुलाई रोजगारी समेत दिएका छन् । व्यक्तिगत सघंर्षको एकदशक पारगर्दा आफ्नो परिवारलाई सम्पूर्ण सेवा सुविधामा राख्ने अठोट र सपनालाई राम किसन र लक्ष्मी चौधरीले पुरा गरे । बाणगंगा कोपवा निवासी ३७ वर्षीय राम किसन चौधरी र उनकी श्रीमती लक्ष्मी दुवैजना दृष्टिविहिन हुन् । २० वर्षको उमेरमा भारतको पञ्जाबमा कामका लागि जाँदा सिलाइकटाइको पाटपुर्जा बनाउने मेसिनको धुलोले रामकिसनले आफ्ना दुवै आँखा पुर्णरुपमा गुमाउनु पर्‍यो । केही महिनामै त्यहाँबाट फर्र्किएपछि गाउँमा चन्दा संकलन गरेर, भएको घर जग्गा धितो राखेर उपचार गराए । त्यो समयमा आफ्नो उपचार गराउन पैसाको अभाव हुँदा आफ्ना दुबै आँखा गुमे । अहिले पैसा भएपनि यी आँखाको उपचार हुँदैन आँखाको मुख्य नली नै सुकिसक्यो ।

उपचार गरेपनि आँखा नदेख्ने भएपछि उनलाई लाग्यो अब मेरो आँखा सन्चो हुन्न भन्ने तब निर्णय गरे हार खाएर जीवनमा उपलव्धी केही हुँदैन । त्यसपछि अगरबत्ति बनाउने तालिम लिने निर्णय उनले गरे ।

नेत्रहिन संघ कपिलवस्तुले १५ वर्ष अगाडि दिएको तालिम दुई दिन नसिक्दै उनमा उर्जा थपियो अब यहि व्यवसायलाई आफ्नो लक्ष्य बनाउँने । त्यही तालिममा उनको भेट लक्ष्मी चौधरीसँग भयो । लक्ष्मी जन्मैदेखि दृष्टिविहिन हुन्, तर हल्का कता कता मान्छेको अनुहार छाया जस्तो देख्ने उनी बताउँछिन् ।

सोही तालिमकै अवधीमा उनीहरूको बिहे भयो । लक्ष्मीका सासुससुरासहित अहिले उनीहरूको ६ जनाको परिवार छ । उनीहरूका दुई छोराछोरी नजिकैको बोर्डिङ स्कुलमा पढ्छन् ।

‘अहिले म यो व्यवसायबाट पुर्ण रुपमा सन्तुष्ट छु, बुवाआमा र श्रीमतीको पुर्णसाथ छ, घरमा सबैले अगरबत्ति बनाउने काम गर्छौं’ रामकिसन हसिलो मुहार लगाउँदै भन्छन् । उनले परिवारसहित अन्य ७ जनालाई रोजगार समेत दिएका छन् । ‘सम्पूर्ण खर्च कटाएर महिनाको १२ देखि १५ हजार रुपैयाँ चोखो बचाउँछु’ रामकिसन भन्छन् ।

अगरबक्तिको व्यवसाय सुरु गरेको डेढ बर्षपछि उनले मैनबत्ति बनाउने तालिम पनि लिए । अनि मैन बत्ति पनि बनाउन लागे । अहिले अगरबत्ति, मैनबत्तिसँगै दालमोट, पुजापाठका सामग्री पनि बिक्री गर्दै आएको लक्ष्मी बताउँछिन् । १७ वर्ष अघिको आफ्नो परिवारको स्थिति सम्झेर अहिलेपनि उनी भावविव्हल हुन्छन् । उनी र श्रीमती लक्ष्मीको रातदिनको मेहनतले यो परिवर्तन आएको उनी भन्छन् ।

यही व्यवसायबाट उनीहरूले पक्कि घर बनाए । घरमा सोलार छ । बजारसम्म आफ्नो उत्पादन पु¥याउन मोटरबाइक छ, नजिकका लागि ३ वटा साइकल छन् ।

उनीहरूले गाउँको समूहबाट २९ सय रुपैयाँ ऋिण लिएर यो व्यवसाय सुरु गरेका हुन् । तर त्यही २९ सयका लागि गाउँमा झगडा पर्‍यो । ‘दुबैजना आँखा नदेख्नेलाई पैसा दिएर डुबाउन लागेको भनेर असहयोग गर्ने धेरै भए’ उनी सम्झिन्छन्

अहिले अगरबत्ति र मैनबत्ति जिल्लामै र छिमेकी जिल्लामा समेत बिक्री हुने उनले बताए । उनले व्यवसाय गर्नेमात्रै नभएर तालिम पनि दिने गर्छन् । आफ्नो क्षमतालाई मेहेनतमा बदलेर व्यवासयी भएका रामकिसुन र लक्ष्मी सवैका लागि गतिलो उदाहरण बनेका छन् ।
तर अपाङ्गता भएका व्यक्तिबीच पनि बिभेद भइरहेका प्रति उनीहरुको असन्तुष्टि छ । आफूले पूर्ण रुपमा आँखा नदेख्ने भएपनि ख बर्गमा राखेको प्रति उनको आक्रोश छ ।

‘अपाङ्ग हुँदैमा जीबन टुङ्गिदैन अझ आफूलाई पे्ररणा मिल्छ’ राम किसन भन्छन् । त्यसको लागि मात्र मनमा सकरात्मक भावना जगाउनु पर्छ । नर्बेबाट पनि पत्रकार आएर आफ्नो अन्तरबार्ता लिएको रामकिसनले बताए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: