मनमा रहेको छाउ गोठ भत्काउन सकिएन : प्रमुख अर्याल


दशवर्षमा नौजनाको छाउगोठमा मृत्यु

प्रकाशित मिति :2016-11-20 13:47:53

महिला खबर

2-1
ललितपुर । अछाम जिल्लामा ५६ गाविसमा छन् तीमध्ये ३१ वटा गाविस छाउपडी मुक्त घोषण भइसकेको छन् । छाउपडी भएर गोठमा बस्दा सुदूरपश्चिमका पहाडी जिल्लाका धेरै महिलाले ज्यान गुमाएका छन् । तर त्यसको तथ्याङक भने अहिलेसम्म कसैसँग छैन ।

महिला तथा बालबालिका कार्यालय अछामका कार्यालय प्रमुख भगवती अर्यालले अछाममा छाउ हुँदा गोठमा बस्ने संस्कार हट्न नसेको वताउँछिन् । छाउ भएर घरमा बस्दा कुनै संयोगबस कुनै दुर्घटना भएमा छाउ भएकी महिला बसेकै कारण भयो भन्ने सोचाइका कारण यसलाई हटाउन निकै मुश्किल भइरहेको प्रमुख अर्याल वताउँछिन् । घरमा गाइ,भैँसी विरामी भएपनि छाउ महिलाले घरमा बसेरका कारण विरामी परेको भन्ने गर्छन्, देवता रिसाउँछन्,बाघ आउँछ भनेर स्वयम् महिला छाउ भएको बेलामा घरमा आएर बस्ने आट गर्दैनन्’ अधिकृत अर्याल भन्छिन् ।

छाउपडी गोठ भत्काए पनि मनमा भएको गोठ भने भत्काउन नसकिएको उनले बताइन् । भन्छिन् ‘अछाममा ३१ गाविस छाउपडी मुक्त गाविस घोषणा भएका छन् हामीले ती गाविसमा गोठ त भत्कायौं,  मनको गोठ भत्काउन नसक्दा महिलाले ज्यान गुमाउन परेको छ ।’

capture

अछाममा छाउपडीका बेला कति महिलाले ज्यान गुमाए भन्ने तथ्याङक नभएपनि २०६३ साल यता ९ जना महिलाको छाउपडी गोठमा ज्यान भएको जानकारी उनले दिइन् ।

शुक्रवार राती अछामको तिमिल्सेन गाविसमा छाउपडी गोठमा २१ वर्षीया डम्बरा उपाध्यायको मुत्यु भएको थियो । महिनावारी भएको चौथो दिन शुक्रवार उनी छाउगोठमा सुत्न गएकी थिइन् । विहान अबेरसम्म नउठेपछि घरका परिवार उठाउन्न जाँदा उनी मृत अवस्थामा फेला परेकी थिइन् । तिमिल्सेन गाविस छाउगोठ मुक्त भएको छैन । जिल्ला प्रहरी कार्यालय अछामका प्रहरी वरिष्ठ उपरीक्षक बद्री प्रसाद ढकालका अनुसार प्रारम्भिक अनुसन्धानवाट डम्बराको मुत्यु ह्रदयघातका कारणले भएको हुनसक्ने वताएका छन् । उनले डम्बराको नाकवाट रगत बगेको र घोप्टो परेको अवस्थामा शव भेटिएको वताए । आफन्तहरू ढोका फोडेर भित्र पसेका कारण कसैले हत्या गरेको वा जंगली जनावरका आक्रमणले उनको मृत्यु नभएको प्रहरी उपरिक्षक ढकालले बताउनुभयो । उहाँले भन्नुभयो ‘उनको शरीरमा कुनै पनि चोटपटक नभेटिएको पोष्टमार्टम रिपोर्टमा छ, उनको नाकवाट रगत आएको,घोप्टो परेको अवस्थामा शव फेला परेको थियो,उनको ह्रदयघातवाट मुत्यु भएको अनुमान हामीले गरेका छौं ।’

तस्बिर : शिवराज खत्री

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: