जिविकोपार्जनका लागि उपाय देउ : द्वन्द्व पीडित महिला


प्रकाशित मिति :2016-11-21 11:30:52

महिला खबर
कपिलवस्तु । कपिलवस्तुका द्वन्द्व प्रभावित महिलाले आफूहरूलाई सरकारले आर्थिक उपार्जनका लागि सीपमुलक कार्यक्रम दिनुपर्ने माग गरेका छन् । एकल जिल्ला महिला समूह कपिलवस्तुले तौलिहवामा द्वन्द्व प्रभावित महिलाको आर्थिक शसक्तिकरण तथा आयआर्जनमा पहुँच विषयक अन्तरक्रियामा वोल्ने द्वन्द्व पीडित महिलाले यस्तो भनाई राखेका हुन् । द्वन्द्व प्रभावित किम कुमारी भण्डारीले राज्यले सीपमुलक र आयमुलक कार्यक्रम दिएमा पीडा भुल्ने बाटो हुने वताईन् । ‘छोरा छोरी पढाउन , साँझ विहानको जोहो टार्न पनि समस्या हुने भएकोले राज्यले द्वन्द्व प्रभावित महिलाका लागि आर्थिक उपार्जनको काम दिनुपछर्’ उनले भनिन् ।

द्वन्द्वपीडित लहानी चौधरीले पनि पीडित महिलालाई सीप सिकाउँदै आयआर्जनमा लाग्ने काम दिन उनले राज्यसँग माग गरिन् । अर्की द्वन्द्व प्रभावित गुञ्जा यादवले द्वन्द्वको घाउ पुर्न अझै पनि गाह्रो भएको वताउदै घर परिवार चलाउन , छोराछोरी पढाउन राज्यले सीपमुलक कार्यक्रम दिनु पर्नेमा जोड दिइन ।

कार्यक्रममा स्थानिय शान्ति समितिका कार्यालय सचिव यमुना मरासीनीले द्वन्द्वपीडितहरूका लागि समितिले सीपमुलक कार्यक्रम दिँदै आएको र थप कार्यक्रमका लागि केन्द्रमा पहल गर्ने वताइन् । एकल महिला समूहका अध्यक्ष कल्पना महतले शशस्त्र द्वन्द्वमा थुप्रै महिला पीडित भएको वताउँदै राज्यले उनीहरूलाई आयमुलक विभिन्न कार्यक्रम संचालन गर्नुपर्ने वताईन । कार्यक्रममा द्वन्द्वप्रभावित २५ जना महिला सहभागी थिए ।

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: