नागरिकतामा महिलालाई अधिकार दिन सकिएनः नारायणकाजी श्रेष्ठ


प्रकाशित मिति :2016-11-21 12:47:59

महिला खबर 

cpa

काठमाडौं। नेकपा माओवादी केन्द्रका नेता नारायणकाजी श्रेष्ठले संविधानमा लेखिएको नागरिकताको प्रावधानमा छोरा र छोरीका लागि वरावर अधिकार दिन नसकेकोे स्वीकार्नुभएको छ ।

बृहत शान्ति सम्झौताको १० वर्ष पुरा भएको अवसरमा आईतवार राजधानीमा जनअधिकार अभियान नेपालले आयोजना गरेको अन्तक्रिया कार्यक्रममा वोल्दै उहाँले अहिलेको संविधानले पनि महिलालाई पूर्ण अधिकार दिन नसकेको वताउनु भएको हो ।

आफूलाई प्रजातन्त्रका हिमायती वताउने पश्चिमा मुलुकले महिलालाई दिन नसकेका अधिकार नेपालको संविधानमा उल्लेख गरेको भएता पनि महिला र पुरुष बिच रहेको गहिरो खाडललाई भने मेट्न नसकिएको भन्दै नेता श्रेष्ठले संविधानले पितृसत्तात्मक सत्ताको पक्षपोषण गरेको हुनाले यसलाई छलफलको आधारमा संशोधन गरेर जानुपर्ने जिकिर गर्नुभयो ।

यसैवीच बृहत शान्ति सम्झौताको १० वर्ष पुरा भएको अवसरमा इण्टरनेशनल कमिसन अफ जुरिष्टले विज्ञप्ति जारी गर्दै द्वन्द्व पीडित र प्रभावितले अझैपनि न्याय कुरीरहेको जनाएको छ । द्वन्द्वका बेला भएका यौन हिंसा र बलात्कारका पीडितलाई न्याय दिन वर्तमान प्रावधानलाई हटाएर विशेष व्यवस्था गर्नुपर्ने विज्ञप्तिमा भनिएको छ । संक्रमणकालिन न्याय दिन स्थापित सम्पूर्ण संयन्त्रलाई लैंगिकमैत्री बनाउन विशेष व्यवस्था हुनुपर्ने भन्दै महिला,बालवालिका, सिमान्तकृत समुदायको आवश्यकता पुरा गर्न बिशेष व्यवस्था गर्न उक्त संस्थाले ध्यानाकर्षण गराएको छ ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: