मधेश आन्दोलनमा सात जना वालवालिकाको ज्यान गएको तथ्यांक सार्वजनिक


प्रकाशित मिति :2016-11-22 15:45:29

महिला खबर
ललितपुर। तराइ मधेश आन्दोलनको क्रममा ६ वालक र १ वालिका गरी ७ जना वालवालिकाले ज्यान गुमाएको तथ्यांक सार्वजनिक भएको छ । केन्द्रिय वालकल्याण समितीले प्रकाशन गरेको नेपालमा वालवालिकाको स्थिति २०७३ को वार्षिक प्रतिवेदनमा यो तथ्यांक सार्वजनिक भएको हो ।

student

कसकसले गुमाए ज्यान
२०७२ भदौ ७ गते कैलालीको टिकापुरमा आन्दोलनकारीले हानेको गोली लागी डेढ वर्षीय टकेन्द्र साउदको ज्यान गएको थियो । त्यसैगरी भदौ २५ गते जनकपुरमा प्रहरीको गोली लागी १४ बर्षका दिलिप यादव र १७ वर्षका निकुकुमार यादवले ज्यान गुमाएका थिए ।

त्यस्तै, भदौ २९ गते रुपन्देहीको लुम्विनी भैरहवा सडक अन्तर्गत वेथरीमा प्रहरीको गोलीलागी ४ बर्षीय चन्दन पटेलको मृत्यु भयो । मंसिर ११ गते सप्तरीको भारदहको सडकखण्डमा मधेशी मोर्चाका कार्यकर्ताले चलिरहेको बसमा आक्रमण गर्दा अभिभावकसँगै यात्रा गरिरहेकी ९ वर्षिया निर्जला वस्नेतले ज्यान गुमाएकी थिइन् ।

पुषको ५ गते प्रहरीको गोली लागि रौतहटको सदरमुकाम गौरको जुद्ध उच्च माध्यामिक विद्यालयमा कक्षा १० मा अध्यनरत शेख तवरेज आलमले ज्यान गुमाएका थिए ।

त्यसैगरी भारतको मोतिहारी स्थाइ घर भइ विरगञ्ज मामाघर आएका १४ वर्षका आशिषरामले आन्दोलनकै क्रममा प्रहरीले हानेको गोलीवाट ज्यान गुमाउनु पर्‍यो । नेपालमा जन्मदर्ता र नागरिकता नभएका कारण आशिषरामको परिवारले सरकारवाट पाउनुपर्ने कुनै पनि राहत रकम पाउन सकेका छैनन् ।

student1

वालवालिकाको प्रयोग रोकिएन
विद्यालय र वालवालिकालाई शान्ति क्षेत्र घोषणा गरेर कुनै पनि राजनीतिक प्रयोजनका लागि प्रयोग नगर्ने भनिएता पनि लागु हुन नसकेको प्रतिवेदनमा उल्लेख छ । राजनैतिक दलले आफ्ना जुलुश र सभाहरूमा स्कुल पोशाकमै वालवालिकाको प्रयोग गर्ने गरिएको प्रतिवेदनले औंल्याएको छ ।

प्रतिवेदनका अनुसनर पछिल्ला दिनमा वालवालिकाको प्रयोग गर्ने दलमा विप्लव नेतृत्वको नेकपा माओवादी अगाडि देखिएको छ । त्यसैगरी मधेशी मोर्चाले आफ्ना आन्दोलनका क्रममा वालवालिकाको प्रयोग गरेका छन् । कतै कतै वालवालिकालाई थोरै पैसाको प्रलोभन देखाएर आन्दोलनमा प्रयोग गरेको पनि प्रतिवेदनमा उल्लेख छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: