लैंगिक हिंसा न्युनिकरणका लागि के भन्छन् त सामाजिक अगुवा ?


प्रकाशित मिति :2016-11-24 17:02:42

पार्वती पाण्डे

ईन्दिरा भट्टराई

ईन्दिरा भट्टराई

पीडा लुकाउनु हुँदैन 

इन्दिरा भट्टराईः नेपाल महिला संघ केन्द्रीय सदस्य

महिलामाथि धैरै नै हिंसा हुने गरेको छ । पीडित महिलाहरूले आफै पिडा लुकाएका कारण पनि हिंसा भएको पाइन्छ । आफू हिंसामा परेको कुरा महिलाले दबाएर राख्नु हुँदैन । अन्याय सहनु भनेको पनि हिंसा हो । यसलाई महिलाले मनन गर्नु आवश्यक छ । अर्को तर्फ जुन रुपमा महिलाको योगदान छ , त्यो योगदानलाई पुरुष प्रधान समाजले सजिलै कदर गर्न सक्दैन । यो परिपाटीको अन्त्य गर्न सक्नुपर्छ जसले गर्दा लैंगिक हिंसा कम हुन जान्छ ।

पुरानो मानसिकतालाई परिवर्तन गर्नुपर्छ

बिमला घिमिरे

बिमला घिमिरे

विमला घिमिरेः नेकपा एमाले केन्द्रीय स्कुल विभाग सदस्य
सामाजिक परम्परा , धार्मिक मुल्यमान्यताका कारण महिला हिंसामा पर्ने गरेका छन् । कतिपय महिलालाई खास गरी मानवअधिकारका वारेमा समेत जानकारी छैन । समाजमा हुने कुँसस्कारलाई हटाउन गाउँ गाउँमा सचेतना फैलाउन आवश्यक छ । अधिकार र कानुनका वारेमा जानकारी गराउनु पर्छ जसले गर्दा लैंगिक हिंसा कम हुन सक्छ । अर्को तर्फ अहिलेसम्म महिलालाई मात्र राखेर कार्यक्रम गरिएको छ । कार्यक्रम गर्दा श्रीमान श्रीमती अर्थात् महिला पुरुषलाईसंगै राखेर कार्यक्रम गर्दा प्रभावकारी हुन्छ । कुनै न कुनै राजनैतिक दलमा पनि महिलाह आवद्ध हुन आवश्यक छ । जसले गर्दा लैंगिक हिंसामा परेका महिला न्यायका लागि पहुँचमा सहज वातावरण हुने छ ।

राज्यले वलियो नेटवर्क बनाउनुपर्छ

सन्तोषी पाण्डे

सन्तोषी पाण्डे

सन्तोषी पाण्डे: केन्द्रीय सदस्य नेकपा माओवादी –केन्द्र

हिंसा र कानुनका कुरा गर्दा महिला र पुरुषलाई संगै राखेर कार्यक्रम गर्न जरुरी छ । तवमात्र दुवैले धैरै कुराको जानकारी पाउँछन् । लैगिक हिंसा न्युनिकरण गर्नमा यस कार्यले ठुलो सघाउ पुर्‍याउँछ । जवसम्म हिंसाका वारेमा महिला र पुरुष दुवै जनालाई थाहा हुन सक्दैन त्यहानेर हिंसा भई नै रहन्छ । अर्को कुरा कार्यक्रमहरू पनि रुपान्तरण भई परिणाममुखी हुनुपर्‍यो । महिला हिंसा न्युनिकरणका लागि राज्यले वलियो नेटवर्क बनाउनुपर्छ । ताकी त्यो नेटवर्कले हिंसामा परेकाको तुरुन्त उद्धार गर्न सकोस् र पीडकलाई कानुनी दायरामा ल्याउन सकोस् ।
महिला संगठित हुनुपर्छ ।

चन्द्रवदम श्रेष्ठ

चन्द्रवदम श्रेष्ठ

चन्द्रवदम श्रेष्ठ :अखिल नेपाल महिला संघ केन्द्रीय सदस्य
जुनसुकै तहका महिला पनि संगठित हुनु आवश्यक छ । विचारमा फरक भए पनि सवालमा एक भएर काम गर्दा महिलाको उद्धार हुन्छ । जुन सुकै काम गर्न पनि सजिलो हुन्छ । गाउँ गाउँमा महिला हिंसामा परेका हुन्छन् । उनीहरूलाई कहाँ गएर न्याय पाइन्छ भन्ने समेत थाहा हुँदैन् । त्यसैले कार्यक्रम गर्दा चार तारे होटलमा मात्र गर्ने होइन । गाउँमा गएर वास्तविक पीडितका भनाई सुन्नुपर्छ र उनीहरुलाई न्याय दिलाउन सहयोग पुर्याउनु पर्छ । महिला आफै पनि सुरक्षाका लागि सचेत हुनु पर्छ । प्रहरी प्रशासनको सम्पर्क राखी अप्ठ्यारो परेको परिस्थितीमा फोन गर्नुपर्छ ।

गरीवी र अशिक्षालाई हटाउनुपर्छ

दोलक ब. प्रछाई

दोलक ब. प्रछाई

दोलख वहादुर पछाई : अध्यक्ष नागरिक समाज अध्यक्ष कपिलवस्तु

गरीबी र अशिक्षाका कारण पनि लैंगिक हिंसा बढ्दो छ । यसलाई रोक्न राज्यले शिक्षा र रोजगारीको व्यवस्था गर्नु आवश्यक छ । जुन महिला रोजगारीमा छन् , आर्थिक रुपले सवल छन् भने ति महिला हिंसामा परेको देखिँदैन । जुन महिला आर्थिक रुपले विपन्न छन् , शिक्षामा पछाडि छन् त्यहानेर चरम हिंसा हुने गरेको हामी पाउछौं । महिलालाई शिक्षित बनाउने कुरा र आयआर्जन एवं रोजगारीमा लगाउने काममा राज्यले विशेष लगानी गर्नुपर्छ । यसो भयो भनेमात्र महिलामाथि हुने हिंसा कम हुन्छ । अर्को तर्फ निम्नस्तरको वर्ग हिंसामा परेको छ भने त्यो वर्गका समुदायलाई राज्यले पनि सुनुवाई गरेको पाईंदैन । पहुँचवालाले मात्र न्याय पाएको देख्न सकिन्छ । यस्तो हुनु हुँदैन ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: