रोएरै हिंसा लुकाउन विवश छन् महिला


प्रकाशित मिति :2016-11-25 10:00:02

पार्वती पाण्डे
कपिलवस्तु । लैंगिक हिंसाविरुद्धको १६ दिने अभियान आजबाट शुरु हुँदैछ । यस वर्षको “नारा घर शान्ति नै विश्व शान्तिको आधार , दिगो विकासका लागि लैंगिक हिंसारहित समाज” भन्ने नारा रहेको छ । लैंगिक हिंसाविरुद्धको अभियान चलाएको लामो समय भए पनि यसले सार्थकता पाउन सकेको छैन । महिलामाथि कुनै न कुनै प्रकारका हिंसा भइ नै रहेका छन् ।

कपिलवस्तु वाणगंगाकी – नविना शर्मा (नाम परिवर्तन) को दैनिकी दिनहुँ रोएरै वितेको छ, श्रीमानले दुःख दिएकै कारण । ससाना छोरा छोरी छन् । आफ्नो जागिर छैन । दिनहुँ श्रीमानले नानाथरी गाली गर्दा पिडै पिडा खेप्न विवश छन् उनी । त्यो पिडालाई सहन गाह्रो भए पनि उनी सार्वजनिक हुन चाहन्नन् ।

आफूले कमाई नगरेकै कारण श्रीमानबाट गाली खान वाध्य हन् उनी । जमुना पौडेल (नाम परिवर्तन) पनि श्रीमानकै यातनाले सधैँ रुनु पर्छ । उनलाई पनि श्रीमानले कुनै जागिर खान नसक्ने भनी यातना दिन्छन् । छोरा छोरीका अगाडि रुन पनि गाह्रो श्रीमानको गाली सहन पनि साह्रो । त्यो पिडालाई मानसिक रुपमै खेप्न जमुना विवश छन् । समाजमा शिक्षित मान्छेबाटै महिला अपहेलित हुने गरेका छन् । आर्थिक रुपले सक्षम नभएका कारण महिला हिंसामा पर्दै आएका छन् ।

जिल्ला प्रहरी कार्यालयको तथ्यांक हेर्दा ७०/७१ मा घरेलु हिंसा २१४, लैंगिक हिंसा २ सय ६३ रहेका छन् । जसमा घरेलु हिंसाका २ सय २१ र लैंगिक हिंसाका १ सय ९९ उजुरीलाई मेलमिलाप गराईएको छ । त्यस्तै ७१ /७२ मा १ सय ७६ घरेलु हिंसा र १ सय ४९ लैंगिक हिंसा रहेका छन् जसमध्ये घरेलु हिंसाका १ सय ८ र लै‌ंगिक हिंसाका ९४ उजुरी मिलाईएको छ । यस्तैगरि ७२/७३ मा घरेलु हिंसाका २०२ घरेलु हिंसामा १ सय ३७ मेलमिलाप गरिएको छ । ६५ मुद्दा प्रक्रियामा रहेका छन् ।

कार्यालयमा आउने उजुरी विगतमा भन्दा कम हुँदै गएको प्रहरीको भनाई छ । जिल्लामा आएका घरेलु हिंसाको उजुरी दर्ता गरी कारवाही गर्ने निकाय प्रहरी नभएकाले आएका उजुरीलाई मिलेसम्म मेलमिलाप गराइएको प्रहरीको भनाई छ । मिल्न नसकेका मुद्दा सिधै अदालतमा जान्छन् ।

जिल्ला प्रहरी कार्यालयको महिला सेलमा आउने अधिकांस उजुरीमा श्रीमानले श्रीमतीलाई मदिरा सेवन गरी गालीगलौज गर्ने, कुटपिट, खान लाउन नदिने, मानसिक यातना दिने, विवाह दर्ता र नागरिकता नदिने उजुरी लिएर आउने गरेको महिला सेलका प्रमुख इन्दीरा गिरीले जानकारी दिइन् । कार्यालयमा आउने यस प्रकारका पीडितलाई पिडकसँग राखेर सम्झाई वुझाई गरी आइन्दा पुनः गल्ति नगर्ने सहमतीमा मेलमिलाप गरिने गरिएको उनले बताइन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: