बीसवारीमै आमा बन्ने बढे


प्रकाशित मिति :2016-11-28 10:00:55

बेलिना थापा

sutkeri

लमजुङ । लमजुङको नौथरकी बुद्धमायाँ गुरुङले १७ वर्षको उमेरमा कार्तिक २६ गते पहिलो बच्चा जन्माइन् । ‘बेलैमा नानी हुर्काएपछि आफू कामका लागि फुर्सद भइन्छ,’ लजाउँदै उनले भनिन्’ धेरै पछि किन कुर्ने काम सकिएपछि ढुक्क ।’ बुद्धमायाँले आफुखुसी गत माघमा बिहे गरेकी थिइन् । बिहे गरेको १० महिनामा उनले बच्चा जन्माइन् ।

बेसीशहर नपा ११, की १९ वर्षीय रोसिना वेगमले पनि यहि यसै साता बच्चा जन्माइन् । लमजुङमा कलिलो उमेरमा बच्चा जन्माउनेको संख्या बढ्दो छ । जिल्ला जनस्वास्थ्य कार्यालयले गरेको तथ्याङ्क अनुसार आर्थिक बर्ष २०७२/७३ मा ७ सय ५३ जनाले उमेर नै नपुगी बच्चा जन्माएका छन् । सो संख्यामा रहेका सबै १९ बर्ष भन्दा मुनिका रहेको कार्यालयका पब्लिक हेल्थ नर्स अधिकृत अम्विका केसीले बताइन् ।

उनले भनीन् ‘पछिल्लो समय कम उमेरमै विवाह गर्ने र बच्चा जन्माउने बढी छन्, जस्ले गर्दा उनीहरुको स्वास्थ्यमा समस्या बढेको छ, भने दैनिक जीवनमा समेत निरपन बढेको छ ।’

कार्यालयको तथ्याङ्क अनुसार आर्थिक बर्ष २०७२/७३ मा जिल्लामा सबैभन्दा बढी भोर्लेटारमा २६ जनाले उमेरै नपुगी बच्चा जन्माएका छन् । यस्तै खुदीमा २५, चक्रतिर्थमा २४, धमिलिकुवामा २१, चिसंकुमा १९ र रम्घामा १८ जनाले उमेर नपुगी बच्चा जन्माएको तथ्याङ्कले देखाउँछ । अन्य स्थानमा समेत सोहि संख्यामा उमेर नै नपुगी बच्चा जन्माउने रहेको तथ्याङ्कमा उल्लेख छ । यो संख्या झन झन बढ्दै गएको पब्लिक हेल्थ नर्स अधिकृत केसीले बताइन् ।

मुख्य शिक्षा र चेतनाकै कमीका कारण यो समस्या बढीरहेको बरिष्ठ जनस्वास्थ्य अधिकृत दुर्गादत्त चापागाईंले बताए । कम उमेरमा बच्चा जन्माउने सँगै जिल्लामा असुरक्षित गर्भपतन गर्नेको संख्या समेत उल्लेख रहेको उनले जानकारी दिए । बढी मात्रामा जिल्ला बाहिर गएर असुरक्षित रुपमा गर्भपतन गराउनेको संख्या बढेको पाइएको छ ।

‘सरकारले यस समस्यालाई न्युनिकरण गर्न पाठ्यक्रममा समेत स्वास्थ्य सम्बन्धी गतिविधिलाई समेट्दै आएको छ, हामिले पनि विभिन्न सचेतनामुलक कार्यक्रमहरु समेत गाउँ गाउँ सम्म पुर्याएका छौँ, तरपनि समस्या सल्टिनुको साटो झन बढेको छ ।’ जनस्वास्थ्य प्रमुख चापागार्ईंले भने । पहाडी लमजुङ जिल्लामा हरेक बर्ष यो समस्या बढ्दै गएको छ ।

पाच ठाउँबाट सुरक्षित गर्भपतन सेवा
लमजुङ जिल्लामा पाच स्थानबाट सुरक्षित गर्भपतन सेवा विस्तार गरिएको छ । यसअघि सदरमुकाम बेसीशहरमा रहेको जिल्ला मोडल अस्पतालले मात्र सुरक्षित गर्भपतन सेवा प्रदान गर्दै आएको थियो ।

जिल्ला जनस्वास्थ्य कार्यलयले भदौ महिनाबाटै थप चार स्थानबाट सुरक्षित गर्भपतन सेवा सुचारु गरेको हो । सुरक्षित गर्भपतन सेवा विस्तार भएकाहरु सुन्दरबजार अस्पताल, धमिलिकुवा स्वास्थ्य चौकी, खुदी स्वास्थ्य चौकी र चिसंकु स्वास्थ्य चौकी रहेको छ ।

उत्त अस्पताल तथा स्वास्थ्य चौकीमा दक्ष प्रसुतिकर्मीद्धारा सुरक्षित गर्भपतन सेवा प्रदान गरिएको जनस्वास्थ्य कार्यालयका पब्लिक हेल्थ नर्स अधिकृत अम्विका केसीले बताइन् । सेवा प्रदान सँगै नागरिकहरुलाई आफ्नै ठाउँमा सुरक्षित तरिकाले सेवा पुगेको उनको भनाई छ ।

तालिमप्राप्त दक्ष प्रसुति कर्मीलाई मात्र उत्त स्वास्थ्य संस्थाहरुमा परिचालन गरिएको जनस्वास्थ्य कार्यालयले जनाएको छ । हाल जिल्लामा २७ स्थानमा प्रसुति सेवा सञ्चालन भएको छ । जस्मध्ये ४ स्थानबाट मात्र सुरक्षित गर्भपतन सेवा विस्तार गरिएको हो । पछिल्लो समय स्वास्थ्य संस्थामा नै गएर गर्भबती सेवा लिनेहरु बढेको समेत कार्यालयको तथ्याङ्कले देखाउँछ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: