सत्तरी हजार महिला सहकारीमा आवद्ध


प्रकाशित मिति :2016-11-30 10:53:26

महिला खबर

%e0%a4%b8%e0%a4%b9%e0%a4%95%e0%a4%be%e0%a4%b0%e0%a5%80-%e0%a4%b5%e0%a4%bf%e0%a4%95%e0%a4%be%e0%a4%b8-%e0%a4%b5%e0%a5%8b%e0%a4%b0%e0%a5%8d%e0%a4%a1

कैलाली । गत आर्थिक वर्षसम्म कैलालीमा ७० हजारभन्दा बढी महिला सहकारीमा आवद्ध भएका छन् । जिल्ला सहकारी प्रशिक्षण तथा डिभिजन कार्यालय कैलालीका अनुसार शेयर सदस्य, व्यवस्थापन समिति र कर्मचारीको भूमिकामा गरी ७१ हजार ६ सय ५९ महिला सहकारीको पहुँचमा पुगेका हुन् ।

कैलालीमा रहेका १३ प्रकृतिका कारोबार गर्ने ६ सय १६ र जिल्ला संघ र विषयगत संघ गरी ६२० सहकारी संस्थामा ४ सय ५४ जना महिला कर्मचारीको रुपमा कार्यरत रहेका छन् । त्यसैगरी २ हजार २ सय ५७ जना सञ्चालक समितिमा आवद्ध रहेको जिल्ला सहकारी प्रशिक्षण तथा डिभिजन कार्यालय कैलालीका प्रशिक्षक हरिसिंह साउदले जानकारी दिनुभयो ।

साउदका अनुसार कैलालीमा गत आर्थिक वर्षको असार मसान्तमा ६ सय १६ सहकारी संस्था अस्तित्वमा छन् । यस बाहेक १ जिल्ला संघ र ३ विषयगत संघ रहेका छन् । यी सहकारी संस्थामा १ लाख ६१ हजार ३० जना शेयरसदस्य छन् ।

कैलालीमा सञ्चालित यी सहकारी संस्थाले गत आर्थिक वर्षमा मात्रै करिब ४ अर्व रुपैयाँ निक्षेप संकलन गरेको प्रशिक्षक साउदले जानकारी दिनुभयो । उहाँका अनुसार जिल्लाका १३ विषयगत सहकारीमा रहेका ६ सय १६ सहकारीले ३ अर्व ९६ करोड२७ लाख ६६ हजार रुपैयाँ निक्षेप संकलन गरेका हुन् ।

सहकारीले गत आर्थिक वर्षको असारसम्म ५९ करोड ३६ लाख ७९ हजार पूँजी संकलन गरेका छन् । भने ती संस्थासंग गत आवको असार मसान्तसम्म ४९ करोड ८० लाख ७४ हजार साधारण जगेडा कोष रहेको छ ।

त्यसैगरी सहकारीले संकलित बचत तथा शेयर पूँजीबाट ४ अर्व ६० करोड ७२ लाख ८ हजार रुपैयाँ ऋण लगानी गरेका छन् । यसरी लगानी गर्नेमा पनि बहुउद्देश्यीय सहकारी संस्थाको योगदान अग्रणी देखिएको छ । बहुउद्देश्यीय सहकारीमा आवद्ध ७७ संस्थाले २ अर्व ४३ करोड ८७ लाख ७५ हजार ऋण लगानी गरेका छन् । त्यसैगरी ऋण लगानी गर्नेमा क्रमशः कृषि सहकारी संस्था, बचत तथा ऋण सहकारी संस्था ग्रामिण विकास सहकारी रहेका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: