महिला नेता भन्छन्, पार्टीभित्र महिलालाई अवसर छैन


प्रकाशित मिति :2016-11-30 14:10:54

महिला खबर

dsc_1937

काठमाडौं। महिला, बालबालिका, ज्येष्ठ नागरिक तथा समाजकल्याण समितिका सभापति तथा एमाले नेता रञ्जुकमारी झाले दलभित्र नेतृत्व तहमा पुग्ने महिलाको संख्या बढेपनि उनीहरुलाई निश्चित जिम्मेवारीमा सिमित राख्ने प्रवृति रहेको बताउनुभयो ।

जागरण नेपालले आयोजना गरेको ‘राज्य र प्रमुख राजनीतिक दलहरुका नीतिहरुमा लैङ्गिक समानताको अवस्था पुनरावलोकन’ नामक कार्यक्रममा बोल्दै सभापति झाले खासगरि राजनैतिक दलहरुले महिला नेतालाई एउटै काममा सिमित राख्ने गुनासो गर्नुभयो । पार्टीभित्र पुरुष सदस्यहरुलाई विभिन्न जिम्मेवारी सुम्पेपनि महिलालाई त्यस्तो नगरिने उहाँको अनुभव छ ।

सोही कार्यक्रममा बोल्दै नेपाली कांग्रेस सांसद कमला पन्तले राष्ट्रपति विद्यादेवी भण्डारी, सभामुख ओनसरी घर्ती र प्रधानन्यायाधिश शुशीला कार्कीलाई समेत सम्मिलित गरि महिला सहभागिताका विषयलाई बहसमा ल्याउनुपर्ने बताउनुभयो । संसद पन्तले भन्नुभयो ‘देशको प्रमुख पदमा बस्ने उहाँहरु जस्तो व्यक्ति लैङ्गिक समानताको लागि कति पटक एकै ठाँउमा बस्नु भयो, सोध्न जरुरी छ ।’

कार्यक्रममा बोल्दै माओवादी केन्द्रका सांसद तथा अनेम संघ क्रान्तिकारीका पूर्व संयोजक धर्मशिला चापागाईंले स्थानीय स्तरबाट महिलाको नेतृत्व विकास गर्न आवश्यक रहेको बताउनुभयो । यसैगरि सांसद चन्दा चौधरीले राजनीति दलका घोषणापत्र सहभागिताका हिसावले राम्रा भए पनि कागजमा मात्र सिमित भएकोले त्यसलाई व्यवहारमा लागु गर्न प्रयास गर्नुपर्ने सुझाउनुभयो ।

गैर सरकारी संस्था महासंघका अध्यक्ष गोपाल लम्सालले सामाजिक संघसंस्थाको नेतृत्वमा महिला पुगे पनि राजनीतिक नेतृत्वमा पुग्न नसकेको बताउनुभयो । सोही अवसरमा, काठमाडौं स्कुल अफ लका सहायक प्राध्यापक मिलन धरेलले राज्य र प्रमुख राजनीतिक दलका नीतिहरुमा लैङ्गिक समानताको अवस्थाका बारेमा कार्यपत्र समेत प्रस्तुत गर्नुभयो । यसैगरि, कार्यक्रम आयोजक जागरण नेपालका तर्फबाट निवर्तमान अध्यक्ष शर्मीला कार्कीले राज्यका प्रत्येक निकायमा लैङ्गिक समानता कायम गर्न र आफ्नो हकको लागि निरन्तर लाग्न सबै महिलालाई आग्रह गर्नुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: