टनकपुर र पञ्चेश्वर सुम्पनेले राष्ट्रवादको कुरा गर्नु गलत : पम्फा भुसाल


प्रकाशित मिति :2016-12-07 15:31:38

महिला खबर
pampha-bhusalभक्तपुर । नेकपा माओवादी केन्द्रकी प्रवक्ता पम्फा भुसालले टनकपुर र पञ्चेश्वर सुम्पनेले राष्ट्रवादको कुरा गर्नु गलत भएको बताउनु भएको छ ।

रफत सञ्चार क्लबले आयोजना गरेको साक्षात्कार कार्यक्रममा बोल्दै भुसालले आफू सरकारमा हुँदा देशको सम्पत्ति विदेशीलाई सुम्पनेले राष्ट्रहितमा काम गरिरहेको सरकारलाई राष्ट्रघाती भन्न नसुहाउने बताउनु भयो ।

उहाँले एमाले संघीयताको पक्षमा, समावेशी र समानुपातिक रुपमा जान नचाहेको भन्दै संघियता, समानुपातिकता र समावेशी अधिकार नदिएसम्म कोही पनि राष्ट्रवादी हुन नसक्ने र यसको विरोधमा जाने जो सुकै पनि राष्ट्रघाती हुने बताउनुभयो ।

यसैगरि, संविधान संशोधनको विषयमा भइरहेको आन्दोलन नेपाली जनतालाई राजनीतिज्ञहरूले
बुझाउन नसक्दा भइरहेको र एमालेले जनतालाई आफ्नो भोट बैंकका रुपमा मात्र प्रयोग गरिरहेको उहाँको टिप्पणी छ ।

संविधान संशोधन नभए तीनै तहको निर्वाचन सम्भव नहुने र संविधान कार्यान्वयन समेत नहुने भएकाले संशोधन प्रस्ताव पारित भएसँगै तोकिएकै समयमै निर्वाचन हुने उहाँको दावी छ ।

प्रतिगमनकारी र बाहिरी शक्तिको चलखेलका कारण नेपाल र नेपालीले प्राप्त गरेको गणतन्त्र गुम्ने खतरामा रहेको भन्दै भुसालले वर्तमान समयमा सफल संविधान कार्यान्वयन तर्फ लाग्नु पर्नेमा जोड दिनुभयो ।

माओवादी केन्द्रको महाधिवेशन आयोजक समितिमा चार हजार केन्द्रिय सदस्यको आवश्यकता रहेको भन्दै उहाँले पार्टीले संविधान संशोधन गर्दै तीनै तहको निर्वाचनका काम र भूकम्प पीडितको मागलाई प्राथमिकता दिएको जानकारी दिनुभयो ।

    Comment Here!

Related NEWS
मुख्य खबर

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

Read more
© 2015.All rights reserved by mahilakhabar.com
%d bloggers like this: