मानव अधिकारको अनुभूति नागरिकले गर्न पाउनुपर्ने


प्रकाशित मिति :2016-12-08 13:03:37

महिला खबर

काठमाडौं। सातौं मानव अधिकार राष्ट्रिय महाभेला–२०७२ को प्रतिवेदन आज सार्वजनिक गरिएको छ। उक्त प्रतिवेदनमा मानव अधिकार सम्बन्धी सूचना, विभिन्न गतिविधि तथा अधिकारकर्मीका लेख रचना समावेश गरिएको छ।

राष्ट्रिय मानव अधिकार आयोगका अध्यक्ष अनुपराज शर्माले प्रतिवेदन विमोचन गर्दै मुलुकमा मानव अधिकारको संरक्षण गर्नका लागि सम्बन्धित पक्षलाई दवाव दिन पुस्तक उपयोगी रहेको बताउनुभयो। लोकतान्त्रिक मुलुकमा मानव अधिकारको अनुभूति नागरिकले गर्न पाउनुपर्नेमा जोड दिँदै उहाँले त्यसको वहाली तथा प्रत्याभूत गर्ने दायित्व सरकारको हो, भन्नुभयो। अध्यक्ष शर्माले शिक्षा, खाद्य अधिकारलाई संविधानमा सुरक्षित गरे पनि त्यसको प्राप्ति कसरी गर्ने भन्नेमा सबै दलले साझा दृष्टिकोण बनाउनुपर्ने सुझाव दिनुभयो।

नेकपा (माले) का महासचिव सिपी मैनालीले राजनीतिक दलका पृथक दृष्टिकोण रहेपनि राष्ट्रियता, नागरिक अधिकार, सामाजिक न्याय तथा मानवीय संवेदनाका क्षेत्रमा हेर्ने एउटै धारणा हुनुपर्नेमा जोड दिनुभयो।

महिला आयोगका सचिव रामप्रसाद भट्टराईले महिला मानव अधिकार र दिगो विकासका लागि लैिङ्गक हिंसा नियन्त्रण विषयमा कार्यपत्र प्रस्तुत गर्दै विभिन्न अध्ययनबाट दलित महिला बढी हिंसामा परेको जानकारी दिनुभयो।

वियोण्ड वेजिङ कमिटि (विविसी)का उपाध्यक्ष सुशीला श्रेष्ठले संविधानमा अधिकार स्थापना गरिएपनि व्यवहारमा महिलाले पाउनुपर्ने अधिकार प्राप्त गर्न नसकेकामा चिन्ता व्यक्त गर्नुभयो। सो अवसरमा बिबिसीका अध्यक्ष शान्तालक्ष्मी श्रेष्ठले आठौं मानव अधिकार राष्ट्रिय महाभेलाका संयोजक सोनी लामालाई शान्तालक्ष्मी श्रेष्ठ मानव अधिकार पुरस्कार’ प्रदान गर्न २० हजार रुपैयाँ हस्तान्तरण गर्नुभयो। श्रेष्ठले पाँच लाखको अक्षयकोष स्थापना गर्नुभएको छ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: